బాహుబలి సినిమాతో పాన్ ఇండియా హీరోగా ఎంతో మంచి పేరు ప్రఖ్యాతలు సంపాదించుకున్నారు నటుడు ప్రభాస్.బాహుబలి సినిమా తర్వాత ఈయన చేసిన సినిమాలన్నీ కూడా పాన్ ఇండియా స్థాయిలోనే ప్రేక్షకుల ముందుకు వస్తున్నాయి. ఈ క్రమంలోనే ప్రభాస్ ప్రస్తుతం పలు సినిమా షూటింగులతో ఎంతో బిజీగా ఉన్నారు. ఈ క్రమంలోనే ప్రభాస్ కే జి ఎఫ్ డైరెక్టర్ ప్రశాంత్ నీల్ దర్శకత్వంలో నటిస్తున్న చిత్రం సలార్. ప్రస్తుతం ఈ సినిమా శరవేగంగా షూటింగ్ పనులను జరుపుకుంటుంది.ఈ చిత్రాన్ని కూడా కేజిఎఫ్ నిర్మాణ సంస్థ హోంభలే ఫిలిమ్స్ ఎంతో ప్రతిష్టాత్మకంగా పాన్ ఇండియా స్థాయిలో తెరకేకిస్తున్నారు.
ఇక ఈ సినిమా ద్వారా శృతిహాసన్ పాన్ ఇండియా స్థాయిలో ప్రేక్షకుల ముందుకు రానున్నారు. అలాగే ఇది ప్రభాస్ తో తనకు మొదటి సినిమా కావడంతో శృతిహాసన్ కూడా ఈ సినిమాలో పాల్గొనడం ఎంతో ఎక్సైటింగ్ ఫీలవుతున్నారు.ఇక ఇప్పటికే ఈ సినిమా షూటింగ్ లోకేషన్ లో నుంచి ఎన్నో ఫోటోలు ఫైట్స్ సన్నివేషాలు సోషల్ మీడియాలో వైరల్ కావడంతో ఈ సినిమాపై భారీ అంచనాలను పెంచుతున్నాయి. దర్శకుడు ప్రశాంత్ నీల్ ఈ సినిమాని ఎంతో ప్రతిష్టాత్మకంగా తీసుకున్నారని తెలుస్తోంది.
ఇకపోతే ఈ సినిమా నుంచి తాజాగా ఓ అప్డేట్ సోషల్ మీడియాలో వైరల్ గా మారింది. మరి ఈ విషయంలో ఎంతవరకు నిజముందో తెలియదు కానీ ఇది విన్నటువంటి ప్రభాస్ అభిమానులు మాత్రం ఎంతో సంతోషం వ్యక్తం చేస్తున్నారు.ఇంతకీ సలార్ విషయంలో వచ్చిన అప్డేట్ ఏంటి అనే విషయానికి వస్తే ఈ సినిమా శాటిలైట్ హక్కులను ప్రముఖ ఛానల్ భారీ ధరలకు కైవసం చేసుకుందని తెలుస్తోంది.ఈ సినిమా సాటిలైట్ హక్కుల కోసం పలు చానల్స్ పోటీ పడగా ఎట్టకేలకు స్టార్ మా ఈ సినిమా హక్కులను కొనుగోలు చేశారని ఇప్పటివరకు స్టార్ మా కొనుగోలు చేసిన సినిమాలలో హైయెస్ట్ బడ్జెట్ సలార్ కోసమే ఉపయోగించారని తెలియడంతో ప్రభాస్ మార్కెట్ చూసి అభిమానులు సైతం ఎంతో మురిసిపోతున్నారు. ప్రస్తుతం ప్రభాస్ సినిమాకి సంబంధించిన ఈ వార్త సోషల్ మీడియాలో వైరల్ గా మారింది.