గాడ్ ఆఫ్ మాసెస్ పవర్ స్టార్ పవన్ కళ్యాణ్ హీరోగా ఇప్పుడు పలు సినిమాలు ఉన్న సంగతి తెలిసిందే. మరి ఈ లైనప్ లో భారీ పాన్ ఇండియా సినిమా హరిహర వీరమల్లు కూడా ఒకటి కాగా ఈ సినిమా ఓకే చేసిన సమయంలోనే స్టార్ట్ చేసిన మరో రెండు సినిమాలు వకీల్ సాబ్ మరియు భీమ్లా నాయక్ లను పవన్ రిలీజ్ చేసేసాడు.
అయితే ఇంకా ఆ హరిహర వీరమల్లు షూటింగ్ స్టేజి లోనే ఉండగా మరో రెండు సినిమాలు పవన్ ఈ మధ్యనే ఓకే చేశారు. కాగా ఈ సినిమాలు కూడా రీసెంట్ గానే ముహూర్తం కానిచ్చేసాయి. ఇక ఈ ఏడాదిలో పవన్ హరిహర వీరమల్లు సినిమా రిలీజ్ కానుండగా వచ్చే ఏడాది మాత్రం పవన్ నుంచి ఏకంగా ట్రిపుల్ ట్రీట్ ఉంటుంది అని సినీ వర్గాలు చెప్తున్నాయి.
పవన్ పాలిటిక్స్ పక్కన పెడితే పవన్ ఓకే చేసిన చిత్రాలు దర్శకుడు సుజీత్ తో “ఓజి” అలాగే దర్శకుడు హరీష్ శంకర్ తో “ఉస్తాద్ భగత్ సింగ్” సినిమాలు రెండు కూడా వచ్చే ఏడాది లోనే రిలీజ్ ఉండగా అలాగే తన మరో రీమేక్ వినోదయ సీతం కూడా వచ్చే ఏడాదిలోనే ఉంటుంది అని అంటున్నారు.
ఒకవేళ ఇది కాకపోయినా హరిహర వీరమల్లు సీక్వెల్ సినిమా ఆల్రెడీ ఫిక్స్ అయ్యిందని గాసిప్స్ ఉన్నాయి. మరి మొత్తానికి అయితే పవన్ నుంచి మాత్రం ఒక్క నెక్స్ట్ ఏడాది లోనే ట్రిపుల్ ట్రీట్ రెడీ అంటున్నారు. పవన్ స్పీడ్ లో ఇవన్నీ ఎప్పుడుకి అవుతాయో కూడా అర్ధం కానీ పరిస్థితి. ఒకవేళ మూడు వస్తే అదొక అద్భుతం అనే చెప్పాలి.