Bollywood : ఎన్టీఆర్ సూపర్ హాట్ కేక్…ఉమర్ సంధు ఆసక్తికర వాఖ్యలు…!

By VL on

Bollywood: రాజమౌళి మాస్టర్ మైండ్ తో తీసిన చిత్రం త్రిబుల్ ఆర్ ఇక ఈ చిత్రం విడుదలయి సంచలనాలు సృష్టిస్తోంది. ఎక్కడ చూసిన ఆర్ఆర్ఆర్ ముచ్చటే. ఇక ఈ సినిమా ప్రపంచం వ్యాప్తంగా విడుదలయి అన్నిచోట్లా రచ్చ చేస్తోంది. ఇక చరణ్,ఎన్టీఆర్ నటనకు ప్రేక్షకులు ఫిదా అవుతున్నారు. అటు రేటింగ్స్ లో కూడా దూసుకుపోతోంది. బాహుబలి సినిమా తో తెలుగు సినిమా సత్తా చాటిన రాజమౌళి , ఆర్ఆర్ఆర్ తో మరోసారి తెలుగు సినిమా స్థాయి ఏంటో చూపించారు. ఈ మూవీ రిలీజ్ తర్వాత ప్రతి ఒక్కరు రాజమౌళి ప్రతిభ ఫై , ఎన్టీఆర్ , రామ్ చరణ్ నటన ఫై ప్రశంసలు కురిపిస్తున్నాయి. ఈ సినిమాలో ఎన్టీఆర్ తన నటనతో అందరిని ఆకట్టుకున్నారు. ఈ సినిమా విడుదలైన అప్పటినుండి సినిమాను చూసిన సెలబ్రిటీలు, హీరో హీరోయిన్లు, తమ అభిప్రాయాలను తెలియజేస్తున్నారు.

ఈ నేపథ్యంలో ప్రముఖ సినీ క్రిటిక్ ఉమైర్ సంధు ఆసక్తికర వ్యాఖ్యలు చేశారు. ఇటీవల సినిమా విడుదల సందర్భంగా.. ఆర్ ఆర్ ఆర్ మైండ్ బ్లోయింగ్ అని, ఈ చిత్రంలో రామ్ చరణ్, ఎన్టీఆర్ ఇద్దరూ పవర్‌ప్యాక్డ్ పర్‌ఫార్‌మెన్స్ కనబర్చారని అన్నారు. ముఖ్యంగా జూనియర్ ఎన్టీఆర్ నటన ఫైర్ అంటూ ప్రశంసలు గుప్పించారు. అంతేకాదు ఇది ఎన్టీఆర్‌కి గేమ్ ఛేంజర్ సినిమా అవుతుందని, ఆయనకు నేషనల్ అవార్డు పక్కా అని పేర్కొన్నారు.

ఓకే తాజాగా ఆయన మరోసారి ఎన్టీఆర్ నీ పొగుడుతూ ట్వీట్ చేశారు. ఆర్ ఆర్ ఆర్ సినిమాతో బాలీవుడ్‌లో ఎన్టీఆర్ క్రేజ్ అమాంతం పెరిగిందని ఉమైర్ సంధు పేర్కొన్నారు. ఎన్టీఆర్ సూపర్ హాట్ కేక్ అయ్యారని తెలిపారు. ఈ సినిమాలో ఎన్టీఆర్ నటనా ప్రతిభ చూసి బీ టౌన్ బిగ్ ప్రొడక్షన్ హౌసెస్ ఆయన డేట్స్ కోసం క్యూ కట్టాయని, ప్రస్తుతం ఆయనకు 6 బిగ్గెస్ట్ సినిమాల ఆఫర్స్ వచ్చాయని తెలియజేస్తూ ఆయన ట్వీట్ చేశారు. ప్రస్తుతం ఈ ట్వీట్ బాగా వైరల్ అవుతోంది. ఎన్టీఆర్ అభిమానులకు మాత్రం ఈ ట్వీట్ మంచి కిక్ ఇస్తోంది.