రాహుల్ సిప్లిగంజ్.. బిగ్ బాస్ మూడో సీజన్ విజేత. అంతే కాదు.. నాలుగో సీజన్ కు బిగ్ బాస్ బజ్ అనే ప్రోగ్రామ్ కు ఇంటర్వ్యూలు చేస్తున్నాడు. హౌస్ నుంచి ఎలిమినేట్ అయిన వాళ్లను రాహుల్ సిప్లిగంజ్ ఇంటర్వ్యూ చేస్తుంటాడు. తాజాగా గత వారం హౌస్ నుంచి బయటికి వచ్చిన నోయల్ ను రాహుల్ ఇంటర్వ్యూ చేశాడు. దానికి సంబంధించిన ఫుల్ ఎపిసోడ్ ఇంకా రాలేదు కానీ.. దానికి సంబంధించిన ప్రోమోను మాత్రం అప్ లోడ్ చేశారు.
ఆ ప్రోమోలో అవినాష్ గురించి చెప్పు.. అని రాహుల్ అడగగా.. అవినాష్ మీద తనకున్న కోపాన్నంతా కక్కేశాడు. అవినాషే కాదు.. అమ్మ రాజశేఖర్ మాస్టారు కూడా సేఫ్ గేమ్ ఆడుతున్నారని.. వాళ్లిద్దరు ఆటను పక్కదారి పట్టిస్తున్నారంటూ విరుచుకుపడ్డాడు.
అప్పుడెప్పుడో ఏదో టాస్క్ జరిగితే.. ఆ టాస్క్ లో తాను ఏమనకున్నా.. జాగ్రత్త అన్నందుకు.. తనపై అరిచాడని.. అది అవినాష్ గేమ్ స్ట్రాటజీ అని నోయల్ చెప్పుకొచ్చాడు. మాస్టారు కూడా అంతే.. టాపిక్ ను డైవర్ట్ చేయడంలో హౌస్ లో వాళ్లను మించిన వాళ్లు లేరన్నాడు నోయల్.
ఒకరి పెయిన్ ను ఎగతాళి చేయడం కామెడీ ఎలా అవుతుంది. కామెడీ క్రియేట్ చేయడం గొప్పతనం కానీ.. ఇంకొకరిని ఎగతాళి చేయడం గొప్పతనం కాదు.. అంటూ అవినాష్ పై తెగ ఫైర్ అయిపోయాడు నోయల్.
దానికి సంబంధించిన ప్రోమోను మీరు కూడా చూసేయండి..
