గత ఏడాదితో పోలిస్తే ఈ ఏడాది మాత్రం ఇండియన్ సినిమా దగ్గర తెలుగు నుంచి అధిక సంఖ్యలో సినిమాలు రాబోతున్నాయి. దర్శకులు హీరోలు కూడా తమ భారీ చిత్రాలు చేస్తుండగా ఆల్రెడీ ఒకో సినిమా అప్డేట్స్ కూడా నిన్నటి నుంచే స్టార్ట్ అయ్యాయి. ఇక ఈ ఏడాదిలో ఉన్న ఒక అవైటెడ్ సీక్వెల్ చిత్రం “పుష్ప 2”.
ఐకాన్ స్టార్ అల్లు అర్జున్ హీరోగా రష్మికా మందన్నా హీరోయిన్ గా దర్శకుడు సుకుమార్ కాంబినేషన్ లో తెరకెక్కించిన మొదటి భాగం నేషనల్ మార్కెట్ లో ఒక సంచలనంగా మారింది. దీంతో పుష్ప 2 మీద డిమాండ్ కానీ హైప్ కానీ మాములుగా లేదు. దీనితో బాహుబలి 2, కేజీఎఫ్ సినిమాల సీక్వెల్ తర్వాత అంత క్రేజ్ ఉన్న ఏకైక సీక్వెల్ గా ఇది నిలిచింది.
అయితే ఈ సినిమాని ఈ ఏడాది ఆగస్ట్ 15న విడుదల చేస్తున్నట్టుగా మేకర్స్ ఎప్పుడో అనౌన్స్ చేసేసారు. కాగా ఇప్పుడు దీనిపై కొన్నిరూమర్స్ వైరల్ గా మారుతున్నాయి. ఈ సినిమా బాలీవుడ్ లో ఓ క్రేజీ సీక్వెల్ చిత్రం “సింగం 3” కూడా అదే డేట్ లో ఉండడం చేత వాయిదా పడుతుంది అని రూమర్స్ స్ప్రెడ్ చేస్తున్నారు.
కానీ ఇక్కడ అసలు విషయంలో ఏమిటంటే ఈ వార్తల్లో ఎలాంటి నిజం లేదట. పుష్ప 2 సినిమా ఆన్ టైం వస్తుంది అని రిలీజ్ లో ఎలాంటి మార్పు లేదని సినీ వర్గాలు తేల్చి చెప్తున్నాయి. దీనితో హిందీలో మాత్రం పుష్ప 2 క్లాష్ నడుమ రాబోతుండడం కన్ఫామ్ అయ్యింది. మరి నార్త్ జనం ఏ సినిమా వైపు ఉంటారో చూడాలి.