లేటెస్ట్ గా టాలీవుడ్ సినిమా దగ్గర వచ్చి భారీ హిట్ అయ్యిన చిత్రాల్లో మెగా సుప్రీం హీరో సాయి ధరమ్ తేజ్ హీరోగా సంయుక్త మీనన్ హీరోయిన్ గా నటించిన చిత్రం “విరూపాక్ష” పేరు గట్టిగా వినిపిస్తుంది. ఇక ఈ సినిమా రిలీజ్ తర్వాత వచ్చిన సినిమాలు కూడా పెద్దగా రాణించకపోవడంతో అయితే ఈ సినిమా కి అడ్డు లేకుండా పోయింది.
కాగా ఈ చిత్రం అయితే మొదటి వారంలోనే 60 కోట్ల గ్రాస్ మార్క్ ని టచ్ చేసేయగా ఇక ఈ రెండు రోజుల్లో అయితే ఏకంగా మరో 10 కోట్లు అందుకొని 70 కోట్ల గ్రాస్ కి చేరిపోయింది. అయితే ఈ చిత్రం ఈ 9 రోజుల్లో మొత్తం 70 కోట్లు రాబట్టగా ఏపీ తెలంగాణాలో అయితే 28 కోట్లకి పైగా షేర్ ని రాబట్టినట్టుగా తెలుస్తుంది.
అంతే కాకుండా యూఎస్ మార్కెట్ లో కూడా విరూపాక్ష సత్తా చాటుతుందట. ఇక ఈ చిత్రం అయితే అక్కడ 1.5 మిలియన్ మార్క్ కూడా చేరుకుంటుందట. మొత్తానికి అయితే విరూపాక్ష డామినేషన్ గట్టిగానే ఉందని చెప్పాలి.
ఇంకా ఈ సినిమాకి కార్తీక్ వర్మ దండు దర్శకత్వం వహించగా సుకుమార్ స్క్రీన్ ప్లే అందించారు. అలాగే శ్రీ వెంకటేశ్వర సినీ చిత్ర వారు నిర్మాణం వహించగా ఇప్పుడు మేకర్స్ విరూపాక్ష ఇతర భాషల రిలీజ్ కి అయితే సిద్ధం అవుతున్నారు. ప్రస్తుతం ఈ ప్రమోషన్స్ లోనే బిజీగా ఉన్నారు.