టాలీవుడ్ లో ఉన్న టాలెంటెడ్ హీరోయిన్స్ లో నిత్యామీనన్ ఒకరు. నాని తో అలా మొదలైంది, నితిన్ నటించిన ఇష్క, గుండె జారి గల్లంతయిందే, అల్లు అర్జున్ తో సన్నాఫ్ సత్య మూర్తి తో పాటు నాని నిర్మాతగా రూపొందిన ‘అ’ సినిమాలో కీలక పాత్ర పోషించింది. ఏ సినిమా చేసినా కూడా కథలో తన కి ప్రాముఖ్యత ఉంటేనే ఒప్పుకుంటుంది.
ప్రస్తుతం జయలలిత బయోపిక్ ఐరెన్ లేడి లో అమ్మ జయలలిత గా నటిస్తోంది. ఇప్పటికే ఈ సినిమా కొంత టాకీపార్ట్ షూటింగ్ కూడా జరుపుకుంది. కాగా నిత్యా మీనన్ బాలీవుడ్ లోకూడా అడుగు పెట్టింది. మిషన్ మంగళ్ సినిమాలో కీలక పాత్ర పోషించి మంచి పేరు సంపాదించుకుంది. ఆ తర్వాత నుంచి నిత్యాకి బాలీవుడ్ లోను మంచి అవకాశాలు వస్తున్నాయి.
డిజిటల్ ప్లాట్ ఫాం లో సినిమాలకంటే మించి పాపులారిటీ వస్తున్న నేపథ్యంలో చాలామంది తారలు ఎలాంటి కాన్స్పెట్ అయినా వెబ్ సిరీస్ లలో నటించేందుకు గ్రీన్ సిగ్నల్ ఇస్తున్నారు. ఈ క్రమంలో నిత్యా కూడా వెబ్ సిరీస్ లో నటించేందుకు ఒప్పుకుంటోంది. ఇంతకుముందు నిత్యామీనన్ – అభిషేక్ బచ్చన్ నటించిన ‘బ్రీత్: ఇంటు ది షాడోస్’ హిందీ వెబ్ సిరీస్ ఆకట్టుకున్న సంగతి తెలిసిందే.
కాగా ఇప్పుడు మరోసారి ఈ తరహా వెబ్ సిరీస్ లో నటించేదుకు ఒప్పుకున్నట్టు సమాచారం. దర్శకుడు అవసరాల శ్రీనివాస్ ఈ వెబ్ సిరీస్ ని తెరకెక్కించబోతున్నాడట. అయితే ఇందుకు సంబంధించిన అధికారక ప్రకటన రావాల్సి ఉంది. ఇక టైటిల్ నిర్ణయించని ఈ వెబ్ సిరీస్ ను ప్రముఖ ప్రొడక్షన్ హౌస్ వైజయంతి మూవీస్ నిర్మించనుంది.