Jersey Movie: టాలీవుడ్ నాచురల్ స్టార్ నాని తన నటనతో ప్రేక్షకుల అభిమానాన్ని సొంతం చేసుకున్నాడు. ఎటువంటి బ్యాక్ గ్రౌండ్ లేకుండా ఇండస్ట్రీలో అడుగు పెట్టిన నాని అంచెలంచెలుగా ఎదుగుతూ సార్ హీరోగా గుర్తింపు పొందాడు. నాని తెలుగులో నటించిన జెర్సీ సినిమా మంచి విజయం సాధించిన సంగతి అందరికీ తెలిసిన విషయమే. ఈ సినిమాకి గౌతమ్ తిన్ననూరి దర్శకత్వం వహించగా.. సూర్య దేవర నాగవంశీ సితార ఎంటర్టైన్మెంట్ బ్యానర్ మీద నిర్మించాడు. తెలుగులో మంచి ప్రేక్షకాదరణ పొందిన ఈ సినిమా హిందీ వెర్షన్ లో కూడా అదే పేరుతో గౌతమ్ తిన్ననూరి తెరకెక్కించారు. ఈ సినిమాలో బాలీవుడ్ స్టార్ హీరో షాహిద్ కపూర్ హీరోగా నటించాడు. ఈనెల 22వ తేదీన విడుదల అయిన ఈ సినిమా హిందీలో కూడా మంచి విజయం సొంతం చేసుకుంది. ఈ సినిమా చూసిన అభిమానులు, ప్రముఖులు కూడా సినిమా మీద ప్రశంసలు కురిపిస్తున్నారు.
ఇటీవల న్యాచురల్ స్టార్ నాని కూడా ఈ సినిమా మీద ప్రశంసల వర్షం కురిపించాడు. నాని తన ట్విట్టర్ ద్వారా ప్రసంశలు కురిపించాడు. ” జెర్సీ హిందీ వెర్షన్ సినిమా చూశా.. అందులో షాహిద్ కపూర్ నటన అద్భుతం.ఇక మా డైరెక్టర్ గౌతమ్ తిన్ననూరి ఈ సినిమాతో మరోసారి తన టాలెంట్ నిరూపించుకున్నారు. సినిమా యూనిట్ కి కంగ్రాచులేషన్స్” అంటూ ట్విట్ చేశాడు. షాహిద్ కపూర్ నాని చేసిన ట్వీట్ కు రిప్లై ఇస్తూ.. ” ఒక అర్జున్ ఇంకో అర్జున్ కి చెప్పిన విశేష్ కి కృతజ్ఞతలు . నీ మంచి మనసు వల్లే ఇదంతా జరిగింది.” అంటూ రీ ట్వీట్ చేశాడు. ప్రస్తుతం ఈ పోస్ట్ సోషల్ మీడియాలో వైరల్ అవుతోంది.
ఇదిలాఉండగా.. నాని ప్రస్తుతం “అంటే సుందరనికి” అనే సినిమా ద్వారా ప్రేక్షకుల ముందుకు రాబోతున్నాడు. ఇది వరకు వచ్చిన శ్యామ్ సింగ రాయ్ సినిమా ద్వారా మంచి విజయం అందుకున్న నాని ప్రస్తుతం “అంటే సుందరనికి” అనే సినిమా మీద కూడా చాలా నమ్మకం పెట్టుకున్నాడు. ఈ సినిమాని వివేక్ ఆత్రేయ తెరకెక్కించారు. మైత్రి మూవీ మేకర్స్ బ్యానర్ వారు ఈ సినిమా నిర్మిస్తున్నారు. ఈ సినిమాలో నాని కి జోడీ గా నజ్రియా నజీమ్ నటిస్తోంది.