బిగ్ బాస్ నాన్ స్టాప్ కార్యక్రమం చివరి దశకు చేరుకుంది. గత వారం హౌస్ నుంచి నటరాజ్ మాస్టర్ ఎలిమినేట్ కాగా ప్రస్తుతం హౌస్ లో ఏడు మంది కంటెస్టెంట్ లు ఉన్నారు.ఇక వీరిలో ఇద్దరిని ఈ వారం మధ్యలోనే హౌస్ నుంచి బయటకు పంపించనున్నట్లు వార్తలు వస్తున్నాయి. ఇక మిగిలిన ఐదుగురు కంటెస్టెంట్ లతో ఈ వారం గ్రాండ్ ఫినాలే ఎంతో ఘనంగా జరగనుంది. ఇక ఈ కార్యక్రమాన్ని మూడు రోజులపాటు ఎంతో ఘనంగా నిర్వహించాలని నిర్వాహకులు ప్లాన్ చేసినట్లు తెలుస్తోంది.
ఇకపోతే గత కొన్ని సీజన్ల నుంచి బిగ్ బాస్ కార్యక్రమానికి నాగార్జున వ్యాఖ్యాతగా వ్యవహరిస్తున్న సంగతి మనకు తెలిసిందే. ఈ క్రమంలోనే ఈసారి గ్రాండ్ ఫినాలేకు నాగార్జున హోస్ట్ గా బాధ్యతలు తీసుకోవడం లేదని తెలుస్తోంది. కొన్ని ఇతర కమిట్మెంట్స్ కారణంగా గ్రాండ్ ఫినాలేకి నాగార్జున దూరంగా ఉంటున్నట్లు సమాచారం. ఇకపోతే నాగార్జున స్థానంలో ఈ కార్యక్రమానికి హీరో వెంకటేష్ లేదా రామ్ చరణ్ హాజరుకానున్నట్లు పెద్ద ఎత్తున వార్తలు వస్తున్నాయి.
ఇక నాగార్జున స్థానంలో బిగ్ బాస్ గ్రాండ్ ఫినాలే కార్యక్రమానికి రామ్ చరణ్ వచ్చే అవకాశాలే ఎక్కువగా ఉన్నాయని సమాచారం. అయితే ప్రస్తుతం ఈ విషయం గురించి సోషల్ మీడియాలో పెద్దఎత్తున వార్తలు వస్తున్నాయి. మరి ఈ విషయంలో ఎంత వరకు నిజం ఉందో లేదో తెలియాలంటే నిర్వాహకులు అధికారిక ప్రకటన చేసే వరకు వేచి చూడాలి. ఇకపోతే నేటితో ఈ కార్యక్రమానికి ఓటింగ్ పూర్తి అయ్యింది. బిందుమాధవి విన్నర్ అంటూ పెద్ద ఎత్తున వార్తలు వస్తున్నాయి. మరి బిగ్ బాస్ నాన్ స్టాప్ విన్నర్ ఎవరో తెలియాలంటే మరి రెండు రోజులు వేచి చూడాలి.