అగ్ర కథానాయకుడు రజనీకాంత్‌ (Rajinikanth) హీరోగా టి.జె.జ్ఞానవేల్‌ తెరకెక్కిస్తున్న చిత్రం ’వేట్టయాన్‌’ అక్టోబర్‌ 10న ఈ సినిమా పాన్‌ ఇండియా స్థాయిలో విడుదల కానుంది. తాజాగా దీనిపై సంగీత దర్శకుడు అనిరుధ్‌ ఆసక్తికర కామెంట్స్‌ చేశారు. ఓ ఇంటర్వ్యూలో పాల్గొన్న ఆయన ఈ చిత్ర నేపథ్యం గురించి చెప్పారు.
రజనీకాంత్‌పై విఘ్నేష్‌ లైవ్‌ ఫాడ్‌కాస్ట్‌.. గిన్నిస్‌ రికార్డులో 50 గంటల నిర్విరామ ప్రదర్శన!
ఇప్పటికే రానా ఈ చిత్రంపై చేసిన కామెంట్స్‌ అంచనాలు పెంచగా.. తాజాగా అనిరుధ్‌ (Anirudh Ravichander) చేసిన వ్యాఖ్యలు వాటిని రెట్టింపు చేసి రజనీ ఫ్యాన్స్‌లో జోష్‌ నింపుతున్నాయి. ‘వేట్టయాన్‌’ పవర్‌ఫుల్‌ కథతో రానుంది. దీని స్క్రిప్ట్‌ ఆశ్చర్యాన్ని కలిగిస్తుంది. రజనీ ఈ కథకు మరింత బలాన్నిచ్చారు. థియేటర్‌కు వచ్చిన ప్రేక్షకులు ఇందులో కొత్త రజనీకాంత్‌ను చూస్తారు. ఇప్పటివరకు ఆయన చేసిన సినిమాలన్నిటికంటే ఇది వైవిధ్యంగా ఉంటుంది. సామాజిక అంశాలు, వాస్తవ సంఘటనల ఆధారంగా దీన్ని తెరకెక్కించారు. సూపర్‌ స్టార్‌ గత చిత్రం ’జైలర్‌’తో పోలిస్తే ఇది పూర్తి భిన్నంగా ఉంటుంది’ అని అనిరుధ్‌ చెప్పారు.
ఈ చిత్రం గురించి గతంలో రానా (Rana Daggubati) మాట్లాడుతూ.. ఇది రజనీస్టైల్‌ సినిమా కాదని.. ఆయన ఇమేజ్‌కు పూర్తి భిన్నమైన చిత్రాన్ని మొదటిసారి ఎంపిక చేసుకున్నారని తెలిపారు.
దీంతో ప్రేక్షకుల్లో దీనిపై ఆసక్తి నెలకొంది. ఈ సినిమా విషయానికొస్తే.. ’జై భీమ్‌’ విజయం తర్వాత టి.జె.జ్ఞానవేల్‌ (TJ Gnanavel) తెరకెక్కించిన పాన్‌ ఇండియా చిత్రమిది. లైకా ప్రొడక్షన్స్‌ సంస్థ నిర్మించింది. అమితాబ్‌, ఫహద్‌ ఫాజిల్‌, రానా, మంజు వారియర్‌, రితికా సింగ్‌, దుషారా విజయన్‌ కీలకపాత్రలు పోషించారు. దీనితో పాటు లోకేశ్‌ కనగరాజ్‌ దర్శకత్వం ’కూలీ’లోనూ రజనీ నటిస్తున్నారు.