Pooja Hedge: ఇండియా లెవెల్ లో భారీ విజయాన్ని సొంతం చేసుకున్న బాహుబలి సినిమా గురించి ఎంత చెప్పినా తక్కువే. మోస్ట్ పాపులర్ డైరెక్టర్ గా పేరు తెచ్చుకున్న రాజమౌళి డైరెక్షన్ లో వచ్చిన ఈ సినిమా తెలుగు సినిమా ఖ్యాతిని ఎక్కడికో తీసుకెళ్ళింది. ఆ సినిమాలో చేసిన ప్రతీ క్యారక్టర్ కి వచ్చిన పేరు, ఇప్పటి వరకూ వారికి ఏ సినిమాకూ వచ్చి ఉండదు. విమర్శకులచేత కూడా ప్రశంశలు అందుకుని భారతీయ సినిమా చరిత్రలోనే ఓ కొత్త అధ్యాయాన్ని లిఖించింది అనడంలో ఏ మాత్రం సందేహం లేదు.
ఇకపోతే వరుస సినిమాలతో కెరీర్లో దూసుకు పోతున్న నటుడు యంగ్ రెబల్ స్టార్ ప్రభాస్ కు, బాహుబలి సినిమాతో ఎక్కడ లేని క్రేజ్ వచ్చింది. దాంతో స్టార్ట్ హీరోయిన్లు సైతం ఇప్పుడు ఆయనతో ఒక్క సినిమాలో నైనా నటించాలని తెగ ఆరాట పడుతున్నారు.
ఇకపోతే ఆ జాబితాలో ఇప్పుడు అందాల ముద్దుగుమ్మ పూజా హెగ్డే కూడా చేరినట్టు స్వయంగా ఆమే తెలిపింది. ఇప్పటికే రాధే శ్యామ్ సినిమాలో ప్రభాస్ సరసన నటించిన పూజా, ఇప్పుడు మంచి కథ వస్తే మళ్ళీ ఆ డార్లింగ్ హీరోతో కలిసి నటించేందుకు సిద్దం అంటూ క్లారిటీ ఇచ్చేసింది. అయితే బాహుబలి 3 సినిమాలో ప్రభాస్ తో నటించాలని ఉందని పూజా చెప్పడం ఇప్పుడు వైరల్ గా మారింది. ఇన్ డైరెక్ట్ గా మళ్ళీ ప్రభాస్ తో చేసేందుకు రెడీగా ఉన్నానని పూజా సిగ్నల్ ఇవ్వడంతో అభిమానులు మళ్ళీ వీళ్ళ కాంబినేషన్లో సినిమా వస్తుందని ఆశాభావం వ్యక్తం చేస్తున్నారు.