మెగాస్టార్ చిరంజీవి ఏం చేసినా సంచలనమే. ఇదివరకు కూడా ఒకసారి మీసాలు, గడ్డం తీసేసి నవయువకుడిలా దర్శనమిచ్చారు చిరు. ఇప్పుడు సడెన్ గా పూర్తి గెటప్ మార్చేశారు. సరికొత్త లుక్ లో మెగా ఫ్యాన్స్ కు దర్శనమిచ్చారు.
మీరు చూస్తున్న ఆ ఫోటోనే సరికొత్త లుక్ లో ఉన్న మెగాస్టార్ ది. తాజాగా తన ఇన్ స్టాగ్రామ్ అకౌంట్ లో చిరు ఈ ఫోటోను షేర్ చేశారు. దానితో పాటు.. అర్బన్ మాంక్ అనే హ్యాష్ టాగ్ తో ఈ ఫోటోను షేర్ చేశారు చిరు. అంటే నగర సాధువు అని అర్థం. సాధారణంగా సాధువులు, సన్యాసులు గుండు కొట్టించుకొని అడవుల్లో ఉంటారు కదా. ఆ ఉద్దేశంతో చిరు నగర సాధువు అని హ్యాష్ టాగ్ ఇచ్చి ఉంటారు అని మెగా ఫ్యాన్స్ అనుకుంటున్నారు.
నేను సాధువులా ఆలోచించగలనా? అంటూ మరో లైన్ కూడా యాడ్ చేశారు చిరు. ఇక.. ఈ లుక్ ను చూసిన మెగా ఫ్యాన్స్.. బాస్ కు ఏ లుక్ అయినా కరెక్ట్ గా సూట్ అవుద్ది అంటూ కామెంట్లు చేస్తున్నారు.
ఒకవేళ ఆచార్య సినిమా కోసం బాస్ ఇటువంటి లుక్ లో దర్శనమిచ్చారా? లేక ఏంటి ఈ లుక్ రహస్యం అనేది మాత్రం ఇంకా అంతుచిక్కడం లేదు.