ఈ ఏడాది సెల‌బ్రిటీలు బ్యాచిల‌ర్ లైఫ్‌కు గుడ్ బై చెప్పి ఓ ఇంటి వార‌వుతున్నారు. హీరోలు నితిన్, రానా, నిఖిల్‌, కాజ‌ల్ అగ‌ర్వాల్ వంటి సెల‌బ్రిటీలు ఏడ‌డుగులు వేయ‌గా, డిసెంబ‌ర్ 7న నిహారిక వివాహం చేసుకోనుంది. మ‌రి కొద్ది మంది స్టార్స్ కూడా పెళ్లి పీట‌లు ఎక్కేందుకు సిద్ద‌మ‌వుతున్నారు. బ్రూస్ లీ , `తీన్‌మార్`, `ఒంగోలు గిత్త` వంటి సినిమాల్లో హీరోయిన్‌గా నటించిన హీరోయిన్ కృతి కర్బందా కూడా మ‌రి కొద్ది రోజుల‌లో పెళ్ళి పీట‌లెక్కేందుకు సిద్ద‌మైంది.
తెలుగు, హిందీ భాష‌ల‌లో వైవిధ్య‌మైన సినిమాలు చేస్తున్న కృతి క‌ర్భందాకు స‌రైన హిట్స్ లేక‌పోవ‌డంతో ఆఫ‌ర్స్ క‌రువ‌య్యాయి. గ‌ట్టిగానే కృషి చేస్తున్న‌ప్ప‌టికీ, ఈ అమ్మ‌డికి అదృష్టం క‌లిసి రావ‌డం లేదు. అయితే ఈ మ‌ధ్య కెరీర్‌ని కాస్త ప‌క్క‌న పెట్టిన కృతి క‌ర్భందా బాలీవుడ్ న‌టుడు పుల‌కిత్ సామ్రాట్‌తో ప్రేమాయ‌ణం న‌డిపింది. వీరిద్ద‌రు స‌హ‌జీవ‌నం చేస్తున్నార‌ని, త్వ‌ర‌లో పెళ్లి కూడా చేసుకోనున్నార‌ని బాలీవుడ్ మీడియా కోడై కూసింది. ఈ నేప‌థ్యంలో కృతి స్పందించింది.
మీడియాలో వ‌స్తున్న వార్త‌లు వాస్త‌వం. పుల‌కిత్ మంచి వ్య‌క్తి. ఇద్ద‌రి అభిప్రాయాలు క‌లిసాయి. అందుకే మంచి రిలేష‌న్ కుదిరింది. ఏడాదిన్న‌ర నుండి ఇద్ద‌రం స‌హ‌జీవ‌నం చేస్తున్నాం. పెళ్లి గురించి ఇప్ప‌డే ఆలోచ‌న చేయ‌డం లేదు. కెరీర్‌పై ఫోక‌స్ పెట్టాం. మంచిగా స‌క్సెస్ అయ్యాక పెళ్లి చేసుకోవాల‌ని భావిస్తున్నాం అంటూ కృతి చెప్పుకొచ్చింది. మొత్తానికి ఏదో ఒక మంచి ఘ‌డియ‌లో వీరిద్ద‌రు పెళ్లి పీట‌లు ఎక్క‌డం ఖాయం కావ‌డంతో అభిమానులు ఆనందం వ్య‌క్తం చేస్తున్నారు