ఉప్పెన సినిమా ద్వారా టాలీవుడ్ ఇండస్ట్రీకి పరిచయమైన హీరోయిన్ కృతి శెట్టి. ఈ అమ్మడు నటించిన మొదటి సినిమాతోనే హీరోయిన్ గా మంచి గుర్తింపు దక్కించుకుంది. ఉప్పెన సినిమా మంచి హిట్ అవటంతో వరుస సినిమా అవకాశాలను దక్కించుకుంది. ఇలా మొదటి సినిమాతోనే స్టార్ గా మారిపోయిన కృతి శెట్టి ప్రస్తుతం ఇండస్ట్రీలోని టాప్ హీరోల సరసన నటిస్తోంది. ప్రస్తుతం రామ్ పోతినేని హీరోగా నటించిన ది వారియర్ సినిమాలో కృతి శెట్టి నటించింది. ప్రముఖ తమిళ దర్శకుడు లింగుస్వామి దర్శకత్వం వహించిన ఈ సినిమా ఈనెల 14వ తేదీన విడుదల కానుంది.
అయితే ఈ సినిమా ప్రమోషన్స్ లో భాగంగా హీరో రామ్ తో కలిసి కృతి శెట్టి పలు ఇంటర్వ్యూలలో పాల్గొంది. తాజాగా ఒక ఇంటర్వ్యూలో పాల్గొన్న కృతి శెట్టి హీరో అక్కినేని నాగచైతన్య గురించి ఫాలో ఆసక్తికర విషయాలు వెల్లడించింది. నాగచైతన్యతో కలిసి కృతి శెట్టి బంగార్రాజు సినిమాలో నటించింది. ఈ సినిమా కూడా మంచి హిట్ అందుకుంది. తాజాగా ఒక ఇంటర్వ్యూలో పాల్గొన్న కృతి శెట్టి నాగచైతన్య గురించి మాట్లాడుతూ.. ఇండస్ట్రీకి వస్తే ప్రశాంతత కోల్పోతారని ఎవరో చెప్పారు. కానీ నాగచైతన్య మాత్రం ఎంతో ప్రశాంతంగా ఉంటాడు. అతనితో కలిసి పని చేస్తే నాకు కూడా ఎంతో ప్రశాంతంగా ఉంటుంది అంటూ చెప్పుకొచ్చింది.
నాగ చైతన్య చాలా నిజాయితీగా ఉంటారు. ఆయన మనసు చాలా స్వచ్ఛమైనది. నాగ చైతన్యలోని ఉండే గుణాలు నాకు స్పూర్తిని ఇస్తాయి. నాగ చైతన్యతో కలిసి పనిచేసినప్పుడు నాకు చాలా రిఫ్రెష్‌గా ఉంటుంది..’ అంటూ కృతి చెప్పుకొచ్చింది. అయితే వీరిద్దరూ మరొక సారి కలసి నటించబోతున్నారు. ఈ విషయాన్ని కూడా కృతి శెట్టి చెప్పుకొచ్చింది. బంగార్రాజు సినిమాలో మా ఇద్దరి జోడి ప్రేక్షకులకు బాగా నచ్చింది. ఇప్పుడు మరొకసారి మేము కలిసి నటించబోతున్నాం. వచ్చే నెలలో నాగ చైతన్యతో సినిమా షూటింగ్ మొదలవుతుందని కృతి శెట్టి వెల్లడించింది. నాగ చైతన్యతో కలిసి మరోసారి పనిచేస్తున్నందుకు ఎంతో సంతోషంగా ఉందని ఈ అమ్మడు చెప్పుకొచ్చింది.