Suriya’s Lady Director : ఇండియన్ సినిమా దగ్గర ఎందరో దర్శకులు ఉన్నారు కానీ వారిలో లేడీ డైరెక్టర్స్ ఉండడం అనేది చాలా అరుదు ముఖ్యంగా వేళ్ళ మీదనే లెక్కేసే విధంగా ఉండే ఈ లిస్ట్ లో దక్షిణాది నుంచే కొద్ది మంది ఉన్నారు. అయితే వీరిలో టాప్ దర్శకురాలు ఎవరన్నా ఉన్నారు అంటే అది సుధా కొంగర అనే చెప్పాలి.
చాలా మంది మేల్ దర్శకులు కూడా ఇవ్వని అవుట్ పుట్ ని ఆమె తన సినిమాలతో అందించి ఆకట్టుకుంటారు. మరి ఆమె చేసిన లేటెస్ట్ సినిమా సూర్య హీరోగా నటించిన సినిమా “ఆకాశం నీ హద్దురా” అయితే ఆస్కార్ నామినేషన్స్ వరకు వెళ్లి వచ్చింది. ఆ రేంజ్ సినిమాలు చేసే ఈ దర్శకురాలితో ఇప్పుడు ప్రముఖ చిత్ర నిర్మాణ సంస్థ హోంబలే వారు ఓ భారీ సినిమా అనౌన్స్ చేశారు.
లేటెస్ట్ గా కేజీఎఫ్ 2 తో అదరగొట్టిన ఈ సినిమా సంస్థ మరో ఇంట్రెస్టింగ్ సినిమా కాకపోతే ఈ సారి నిజ జీవిత సంఘటనల ఆధారంగా తెరకెక్కించనున్న ఈ సినిమాకి ఆమె దర్శకత్వం వహించనున్నట్టు వీరు అనౌన్స్ చెయ్యగా పాన్ ఇండియా లెవెల్లో హాట్ టాపిక్ గా ఈ అనౌన్సమెంట్ మారింది.
కొన్ని స్టోరీస్ తియ్యాలి అంటే ఇలాంటి దర్శకులే కావాలి అని అందుకే ఈ సినిమాకి మేము ఆమెని తీసుకున్నామని తెలియజేసారు. మరి ఈ బిగ్గెస్ట్ సినిమా ఎలా ఉంటుందో ఏ నేపథ్యంలో ఉంటుందో అనేవి ఇంకా తెలియాల్సి ఉంది.
https://twitter.com/hombalefilms/status/1517015020046929920