Karan johar : మలయాళం లో సూపర్ హిట్ అయిన రొమాంటిక్ లవ్ స్టోరీ హృదయం.వినీత్ శ్రీనివాసన్‌ దర్శకత్వంలో తెరకెక్కిన ‘హృదయం’ చిత్రం మంచి హిట్ టాక్ ను సొంతం చేసుకుంది.ఈ సినిమాలో కళ్యాణి ప్రియదర్శన్, ప్రణవ్‌ మోహన్‌లాల్, దర్శన రాజేంద్రన్ కీలక పాత్రల్లో నటించారు. ఈ ఏడాది జనవరిలో విడుదలైన ఈ చిత్రం మంచి హిట్ టాక్‌ను తెచ్చుకుంది. అంతేకాకుండా ఈ సినిమా సోషల్ మీడియాతోపాటు అన్ని భాషల్లోని మేకర్స్‌ దృష్టిని ఆకర్షించింది. సామాజిక మధ్యమాల్లో ఈ సినిమా పాటలు బాగానే ట్రెండ్ అయ్యాయి.
ఈ క్రమంలోనే కరణ్‌ జోహార్ మనసు గెలుచుకుంది ఈ మూవీ. దీంతో ఈ సినిమా హక్కులను సొంతం చేసుకున్నారు. సోషల్ మీడియా వేదికగా ‘నేను మీతో ఈ వార్తను పంచుకోవడం చాలా ఆనందంగా, గౌరవంగా ఉంది. ధర్మ ప్రొడక్షన్స్‌ అండ్‌ ఫాక్స్‌ స్టార్‌ స్డూడియోస్ మలయాళం న్యూ ఏజ్‌ ప్రేమకథా చిత్రం హృదయం సినిమా హిందీ, తమిళం, తెలుగు భాషల హక్కులను పొందాయి.’ అని కరణ్‌ జోహార్ తెలిపారు.
I am so delighted and honoured to share this news with you. Dharma Productions & Fox Star Studios have acquired the rights to a beautiful, coming-of-age love story, #Hridayam in Hindi, Tamil & Telugu – all the way from the south, the world of Malayalam cinema. pic.twitter.com/NPjIqwhz8l
— Karan Johar (@karanjohar) March 25, 2022
ఈ సినిమాకు సంబంధించిన మరిన్ని అప్‌డేట్స్‌ త్వరలో రానున్నాయని పేర్కొన్నారు. కరణ్‌ జోహార్ ప్రస్తుతం రణ్‌వీర్ సింగ్, అలియా భట్‌లు హీరోహీరోయిన్లుగా ‘రాకీ ఔర్‌ రాణి కి ప్రేమ్‌ కహానీ’ మూవీ షూటింగ్‌తో బిజీగా ఉన్నారు. ఇందులో జయా బచ్చన్, షబానా అజ్మీ, ధర్మేంద్ర కూడా నటించనున్నారని సమాచారం.