Bigg Boss: ప్రస్తుతం తెలుగులో బిగ్ బాస్ సీజన్ 9 ప్రసారం అవుతున్న విషయం తెలిసిందే. ఇటీవల గ్రాండ్ గా మొదలైన ఈ షో నుంచి ఇప్పటికే ఒక కంటెస్టెంట్ ఎలిమినేట్ అయ్యారు. ఇది ఇలా ఉంటే బిగ్ బాస్ హౌస్ లోకి కామనర్ గా అడుగుపెట్టాడు కళ్యాణ్ పడాల. కళ్యాణ్ ఒక సోల్జర్ అన్న విషయం తెలిసిందే. అగ్నిపరీక్షలో మెప్పించిన కళ్యాణ్ హౌస్ లోకి కంటెస్టెంట్ గా అడుగుపెట్టాడు. కానీ బిగ్ బాస్ హౌస్ లో మనోడు గేమ్ కంటే ఎక్కువగా అమ్మాయిలతో ముచ్చట్లతోనే కాలం గడుపుతున్నాడు. ఇప్పటివరకు కళ్యాణ్ గేమ్ లో అంతగా యాక్టివ్ గా కనిపించలేదు.
హౌస్ లో ఎప్పుడు చూసిన రీతూ చౌదరి, లేదా తనూజా తో పులిహోర కలుపుతూ కనిపిస్తున్నాడు కళ్యాణ్. ఈవారం నామినేషన్స్ లోనూ ఉన్నాడు కళ్యాణ్. దాంతో హౌస్ లోకి ఎంట్రీ ఇచ్చిన రెండు వారాల్లోపే పులిహోర రాజా అనే బిరుదు సంపాదించుకున్నాడు. దాంతో కామెంట్స్ లో కళ్యాణ్ ని ఫుల్ గా తిడుతున్నారు బిగ్ బాస్ ప్రేక్షకులు.ఆ సంగతి పక్కన పెడితే తాజాగా కళ్యాణ్ గురించి అతని తండ్రి చేసిన వ్యాఖ్యలు ప్రస్తుతం సోషల్ మీడియాలో వైరల్ గా మారాయి. ఒక ఇంటర్వ్యూలో భాగంగా కళ్యాణ్ తండ్రి మాట్లాడుతూ.. మాది ఒక సాధారణ మధ్యతరగతి కుటుంబం. చిన్న షాప్ పెట్టుకొని కష్టపడి కొడుకును చదివించుకున్నాను.
మా కుటుంబంలో మా బాబాయి, అన్నయ్య పోలీస్ జాబ్ చేస్తున్నారు. దాంతో కళ్యాణ్ ను కూడా పోలీస్ చేయాలనుకున్నాను. కానీ కళ్యాణ్ జాబ్ చేయనన్నాడు. కళ్యాణ్ కు బయట తిరుగుళ్ళు ఎక్కువ. జాబ్ చేయమని, నీ సంపాదనలో రూపాయి కూడా మాకు వద్దు అనే వాడు. కానీ కష్టపడి చదివించాను. జాబ్ చేయమని బలవంతపెడితే ఆర్మీలో చేరాడు. కానీ ఆర్మీలో చేరిన తర్వాత కళ్యాణ్ నాపైన కోపం పెంచుకున్నాడు. నాతో మాట్లాడటం మానేశాడు. దాదాపు 14నెలలు నాతో మాట్లాడలేదు. ఫోన్ చేసినా కూడా కట్ చేసేవాడు. ఇంటికి వచ్చినా కూడా మాతో మాట్లాడేవాడు కాదు.
మాతో కలిసి 5 నిముషాలు కూర్చొని కష్టసుఖాలు అడిగి తెలుసుకోడు. సెలవులకు ఇంటికి వచ్చినా ఫ్రెండ్స్ తో తిరిగేవాడు. అదేంట్రా అని అడిగితే నేను మీకోసం రాలేదు.. ఫ్రెండ్స్ తో తిరగడానికి వచ్చాను అని చెప్పేవాడు. వాడికి ఎలా ఉండాలో తెలియదు. ఇప్పటికీ స్నానానికి వెళ్తే బకెట్ లో నీళ్లు నేనే నింపాలి. అన్ని పనులు మేమే చేయాలి. ఫస్ట్ ఇయర్ అవ్వగానే జాబ్ వచ్చింది. చేయను అని చెప్పాడు. జాబ్ చేయకపోతే ఇంటికి రావద్దు అని చెప్పాను. అప్పుడు అలా చెప్పాను కాబట్టే ఇప్పుడు ఇలా ఉన్నాడు. లేకపోతే ఇలా ఉండేవాడు కాదు. ఆరోజు అలా వదిలేస్తే ఈరోజు ఇలా ఉండేవాడు కాదు అని చెబుతూ ఎమోషనల్ అయ్యారు కళ్యాణ్ తండ్రి. ఈ సందర్భంగా ఆయన చేసిన వ్యాఖ్యలు సోషల్ మీడియాలో వైరల్ అవ్వడంతో కళ్యాణ్ పై విరుచుకుపడుతూ కామెంట్స్ చేస్తున్నారు అభిమానులు.
Bigg Boss: బిగ్ బాస్ కళ్యాణ్ అసలు క్యారెక్టర్ ఇదా.. బయట కూడా అలా.. కన్నీళ్లు పెట్టిస్తున్న తండ్రి మాటలు!
