పెళ్లిళ్లు స్వర్గంలో నిర్ణయించబడతాయని అంటారు. కానీ ప్రస్తుతం సెలెబ్రిటీల పెళ్లిళ్లు మాత్రం మీడియానే చేసేస్తుంటాయి. ఎప్పుడు ఎవరితో లింకులు పెట్టి వార్తలు రాస్తారో.. ఎన్నిసార్లు పెళ్లిళ్లు చేస్తారో చెప్పడం కష్టం. గతకొన్ని రోజులుగా కాజల్ పెళ్లికి సంబంధించిన వార్తలు వస్తూనే ఉన్నాయి. తాజాగా ఈ రోజు మాత్రం సోషల్ మీడియా అంతా కాజల్ పెళ్లి గురించి కోడై కూస్తోంది. ఆ వార్తలకు తగ్గట్టే కాజల్ ఓ పోస్ట్ చేసింది.
నేటి ఉదయం నుంచి వినిపిస్తున్న కథనం ప్రకారం కాజల్ అగర్వాల్, గౌతమ్ కిచ్లు అనే వ్యాపార వేత్తను పెళ్లి చేసుకోబోతున్నారట. లాక్ డౌన్ ముగిసిన తర్వాత ముంబైలో కాజల్ నివాసం దగ్గర ఉన్న ఒక ఫైవ్ స్టార్ హోటల్ లో వాళ్ల పెళ్లి జరగనుందట. కాజల్ ఇంకా గౌతమ్ ది అరేంజ్డ్ లవ్ మ్యారేజ్ అని తెలుస్తోంది. గౌతమ్ కేథడ్రల్ అండ్ జాన్ కానన్ స్కూల్ లో చదువుకున్నారట. గౌతమ్ డిసెర్న్ లివింగ్ అనే ఇంటీరియర్ డిజైనింగ్ స్టూడియోకి ఫౌండర్ అట. డిసెర్న్ లివింగ్ మొదలు పెట్టక ముందు, ఫ్యాబ్ ఫర్నిష్ కి వైస్ ప్రెసిడెంట్ గా, అలాగే లైఫ్ స్టైల్ బ్రాండ్ – ద ఎలిఫెంట్ కంపెనీ కి సీఈఓ గా ఉన్నారట.
అయితే ఈ వార్తలకు బలం చేకూర్చేలా కాజల్ తాజాగా ఓ పోస్ట్ చేసింది. లవ్ సింబల్ ఉన్న ఫోటోను ఒకటి కాజల్ పోస్ట్ చేసింది. దీంతో కాజల్ ఫ్యాన్స్ అందరి హృదయం బద్దలైంది. కాజల్ పెళ్లి చేసుకోకు.. మమ్మల్ని ఇలా వదిలేయకు.. మా గుండె బద్దలవుతోంది అంటూ కామెంట్లు చేస్తున్నారు. ఇక కాజల్ తనకు కాబోయే భర్త ఫోటోను ఎప్పుడు పోస్ట్ చేస్తుందో చూడాలి.