Janhvi Kapoor : మెగా పవర్ స్టార్ రామ్ చరణ్ సరసన జాన్వీకపూర్ హీరోయిన్గా నటించబోతోందంటూ కొంతకాలం క్రితం ప్రచారం జరిగింది. ‘జగదేక వీరుడు అతిలోక సుందరి’ సినిమాకి సీక్వెల్ తీయాలనే ప్రయత్నాలు జరగ్గా, అందులో జాన్వీకపూర్ నటిస్తుందంటూ వార్తలొచ్చాయి.
రామ్ చరణ్ సహా చాలామంది టాలీవుడ్ హీరోలతో జాన్వీ కపూర్ సినిమా చేయబోతోందంటూ వచ్చిన వార్తలన్నీ హంబక్ అని తేలిపోయింది. అయితే, తెలుగులో సినిమా చేయాలని జాన్వీకపూర్ అనుకుంటూనే వుంది. కారణం, జాన్వీ తల్లి శ్రీదేవి తెలుగునాట స్టార్ హీరోయిన్గా ఒకప్పుడు ఓ వెలుగు వెలిగడమే.
తన కుమార్తెను తెలుగు సినీ పరిశ్రమకు పరిచయం చేయాలని శ్రీదేవి కూడా అనుకుంది. కానీ, ఆమె జీవించి వుండగా ఆ కోరిక నెరవేరలేదు. ఎలాగైతేనేం, ఇన్నాళ్ళకు జాన్వీకపూర్ టాలీవుడ్కి వచ్చేందుకు మార్గం సుగమం అవుతోంది.
ప్రముఖ బాలీవుడ్ నిర్మాత కరణ్ జోహార్, ధర్మ ప్రొడక్షన్స్ పతాకంపై నిర్మించే పాన్ ఇండియా సినిమాలో జాన్వీ కపూర్ నటిస్తోంది. దీన్ని తెలుగు సినిమాగా కూడా భావించాలి. ఎందుకంటే, టాలీవుడ్ హ్యాండ్సమ్ హంక్ విజయ్ దేవరకొండ ఈ సినిమాలో హీరో అట.
ఇదిలా వుంటే, మరో టాలీవుడ్ యంగ్ హీరో కూడా జాన్వీ కపూర్ కోసం ప్రయత్నిస్తున్నాడట తన తాజా సినిమా కోసం. విజయ్ దేవరకొండ సినిమా కంటే ముందే, జాన్వీకపూర్ స్ట్రెయిట్ టాలీవుడ్ సినిమా చేస్తుందా.? వేచి చూడాల్సిందే.