గాడ్ ఆఫ్ మాసెస్ పవర్ స్టార్ పవన్ కళ్యాణ్ హీరోగా ఇప్పుడు మరోసారి తన కెరీర్ లో ఎప్పుడూ లేని విధంగా వరుస సినిమాల షూటింగ్స్ లో అయితే తాను పాల్గొంటున్నాడు. పైగా ఇలా పాల్గొనడమే కాకుండా మరిన్ని సినిమాలు పవన్ ఓకే చేస్తుండడం సినీ వర్గాల్లో మరింత ఆసక్తిగా మారింది.
అయితే ఇప్పటికీ హరీష్ శంకర్, సముద్రఖని, అలాగే సుజీత్ మరియు క్రిష్ జాగర్లమూడి లతో పవన్ వర్క్ చేస్తుండగా ఇప్పుడు ఈ లిస్ట్ లో అయితే పవన్ మరో దర్శకునికి అవకాశం ఇచ్చినట్టుగా తెలుస్తుంది. కాగా ఆ దర్శకుడు మరెవరో కూడా కాదట కన్నడ లో లేటెస్ట్ గా వచ్చిన భారీ పాన్ ఇండియా ప్రాజెక్ట్ చిత్రం “కబ్జా” దర్శకుడు ఆర్ చంద్రు అని లేటెస్ట్ ఇన్సైడ్ టాక్.
మరి ఈ దర్శకుడు తీసిన ఈ హై బడ్జెట్ సినిమా అద్భుతంగా హ్యాండిల్ చేసినట్టు అనిపించింది. పైగా పవన్ తో చంద్రు కి మంచి బాండ్ కూడా ఉండగా ఆ రకంగా అయితే ఈ క్రేజీ కాంబినేషన్ సెట్ అయ్యినట్టే అని తెలుస్తుంది. కాగా ఆర్ చంద్రు అయితే పవన్ కి లైన్ కూడా వినిపించగా పవన్ ఓకే చేసాడని రూమర్స్ వినిపిస్తున్నాయి.
దీనితో ఈ ఇంట్రెస్టింగ్ కాంబినేషన్ సెట్ అయ్యినట్టే అనుకోవాలి. కాగా ఈ సినిమా అయితే ఎప్పుడు స్టార్ట్ అవుతుంది అనే ఇతర అంశాలు ఇంకా బయటకి రావాల్సి ఉన్నాయి.