భారత క్రికెట్‌లో లెజెండరీ స్పిన్నర్ గా పేరుగాంచిన రవిచంద్రన్ అశ్విన్ అంతర్జాతీయ క్రికెట్‌కు వీడ్కోలు చెప్పారు. ఆస్ట్రేలియాతో మూడో టెస్టు అనంతరం తన రిటైర్మెంట్‌ ప్రకటనను అధికారికంగా తెలిపారు. డ్రెస్సింగ్ రూమ్‌లో సహచరులతో భావోద్వేగ క్షణాలను పంచుకున్న అశ్విన్ వీడియో ప్రస్తుతం వైరల్ అవుతోంది. కెరీర్‌ చివరి రోజుల్లోనూ తన అత్యుత్తమ ప్రదర్శనను చూపించిన అశ్విన్, జట్టుకు ఎన్నో విజయాలు అందించారు.
బీసీసీఐ అశ్విన్ సేవలను కొనియాడుతూ, ఆయన రిటైర్మెంట్‌ ప్రకటించిన విషయాన్ని ధృవీకరించింది. 2010లో వన్డే ద్వారా అరంగేట్రం చేసిన అశ్విన్ 2011లో వెస్టిండీస్‌పై టెస్ట్ డెబ్యూ చేశారు. 105 టెస్టుల్లో 3,474 పరుగులు చేయడంతో పాటు 536 వికెట్లు తీశారు. టెస్టుల్లో 6 సెంచరీలు, 14 హాఫ్ సెంచరీలు సాధించడంతో పాటు ఒకే టెస్టులో 10 వికెట్లు తీసిన ఘనతను 8 సార్లు సాధించారు. వన్డేల్లో 156 వికెట్లు, టీ20లో 72 వికెట్లు సాధించారు.
అశ్విన్ రిటైర్మెంట్‌పై మాజీ ఆటగాళ్లు, అభిమానులు హృదయపూర్వకంగా స్పందిస్తున్నారు. భారత జట్టుకు అశ్విన్ అందించిన సేవలు అందరికీ స్ఫూర్తిదాయకమని కోహ్లీ, రోహిత్ శర్మ ప్రశంసించారు. ఇకపై అశ్విన్ క్రికెట్ విశ్లేషణలో లేదా యువ ఆటగాళ్లకు మార్గదర్శకత్వం వహించే పాత్రలో కనిపిస్తారని అభిమానులు ఆశిస్తున్నారు. భారత క్రికెట్‌లో అశ్విన్ మించిన ఆల్‌రౌండర్ రాక ఇంకా కాలేదని చాలా మంది అభిప్రాయపడుతున్నారు.