Sreekanth: తాను నటించిన ఖడ్గం సినిమా కొన్ని వివాదాలకు దారితీసిందని ప్రముఖ సినీ నటుడు శ్రీకాంత్ అన్నారు. ఎందుకంటే ఆ సినిమాలో ముస్లింలకు సంబంధించి కొన్ని డైలాగ్స్ ఉన్నాయని ఆయన చెప్పుకొచ్చారు. అంతే కాకుండా తనకు ఆ సినిమా చేసిన తర్వాత కూడా కొన్ని బెదిరింపు కాల్స్ వచ్చాయని ఆయన తెలిపారు. ఏం చేసినా సినిమాలో సిచ్యువేషన్‌ను బట్టి చేస్తామన, డైరెక్టర్ చెప్పినట్టు చేయడమే కదా తమ పని ఆయన అన్నారు.
కానీ అలా అయినా కూడా తనకు కొన్ని బెదిరింపు ఫోన్ కాల్స్ వచ్చేవని శ్రీకాంత్ చెప్పారు. కానీ తాను మాత్రం అలాంటి వాటికి ఎప్పుడూ భయపడలేదని ఆయన స్పష్టం చేశారు. తాను ఎప్పుడు బయటికెళ్లినా గన్ పట్టుకొని వెళ్లేవాడినని ఆయన చెప్పారు. క్రికెట్ ఆడడానికి వెళ్లినపుడు కూడా జేబులో గన్ పెట్టుకొనే వెళ్లేవాడినని ఆయన తెలిపారు. అప్పటికే తనకు కొంత మంది ఫోన్ చేసి బెదిరిస్తున్నారన్న ఆయన, ఎవరు ఎక్కడ్నుంచి వచ్చి ఏం చేస్తారో తెలియక, చాలా జాగ్రత్తలు తీసుకునేవాడినని ఆయన చెప్పారు.
తాను నటించిన సినిమాల్లో ఎలాంటి సినిమాకీ ఆ రకమైన కాంట్రవర్సీలు రాలేదని ఆయన చెప్పారు. ఆ ఖడ్గం సినిమా సమయంలో కొన్ని సంఘటనలు అలా జరిగాయని ఆయన అన్నారు. ఆ తర్వాత కొన్ని రోజులకు మళ్లీ అంతా మామూలైపోయిందని ఆయన వివరించారు.