Hyper Aadi : ఈటీవీలో ప్రసారమవుతున్న జబర్దస్త్ కార్య క్రమంలో వారు ఎంతో మంచి గుర్తింపు సంపాదించుకున్న హైపర్ ఆది గురించి ప్రత్యేకంగా చెప్పాల్సిన పనిలేదు.జబర్దస్త్ కార్యక్రమం ద్వారా ఎంతో మంచి గుర్తింపు సంపాదించుకున్న హైపర్ ఆది శ్రీదేవి డ్రామా కంపెనీ ఈ కార్యక్రమంలో కూడా తనదైన శైలిలో అందరిని సందడి చేశారు.అయితే గత కొద్ది రోజుల నుంచి హైపర్ ఆది జబర్దస్త్ కార్యక్రమంలోనూ అలాగే శ్రీదేవి డ్రామా కంపెనీ కార్యక్రమంలోనూ కనిపించకపోవడంతో ఈయనకు మల్లెమాల వారి మధ్య మనస్పర్థలు వచ్చాయని సోషల్ మీడియాలో వార్తలు వస్తున్నాయి.
ఈ క్రమంలోనే హైపర్ ఆది ఈటీవీ నుంచి తప్పుకొని త్వరలోనే మాటీవీలో కామెడీ స్టార్స్ కార్యక్రమంలో సందడి చేయనున్నట్లు వార్తలు వస్తున్నాయి. అయితే తాజాగా ఈ టీవీ వారు మదర్స్ డే సందర్భంగా నిర్వహించిన స్పెషల్ ఈవెంట్ లో హైపర్ ఆది సందడి చేశారు. ఈ క్రమంలోనే ఈ కార్యక్రమానికి సంబంధించిన ప్రోమో వైరల్ గా మారింది. ఇది చూసిన అభిమానులు హైపర్ ఆది తిరిగి జబర్దస్త్ ఈ కార్యక్రమంలో సందడి చేయనున్నారు అంటూ సంతోషపడ్డారు.మదర్స్ డే ఈవెంట్ లో భాగంగా హైపర్ ఆది ఎప్పటిలాగే తనదైన శైలిలో పంచులు వేస్తూ ప్రేక్షకులను సందడి చేశారు.
ఇలా స్పెషల్ ఈవెంట్ లో హైపర్ ఆది సందడి చేయడంతో తిరిగి ఈయన జబర్దస్త్ శ్రీదేవి డ్రామా కంపెనీ కార్యక్రమాలలో కూడా కనిపిస్తారని అభిమానులు భావించారు. అయితే అదంతా నిజం కాదని, మదర్స్ డే స్పెషల్ ఈవెంట్ హైపర్ ఆదికి మల్లె మాల వారికి గొడవ రాకముందే షూటింగ్ జరిగిందని తెలుస్తోంది. హైపర్ ఆది ప్రస్తుతం జబర్దస్త్ శ్రీదేవి డ్రామా కంపెనీ కార్యక్రమాలలో పాల్గొనడం లేదని, ఆయన తిరిగి ఈ కార్యక్రమాలకు రాకపోవచ్చని ఆయన సన్నిహితులు తెలియజేస్తున్నారు. ఈ క్రమంలోనే హైపర్ ఆదిని కామెడీ స్టార్స్ కార్యక్రమంలోకి తీసుకురావాలని నాగబాబు ఎన్నో ప్రయత్నాలు చేస్తున్నారని పెద్ద ఎత్తున వార్తలు వస్తున్నాయి.