Hyper Aadi: ఈటీవీలో ప్రసారమవుతున్న జబర్దస్త్ కామెడీ షో గత కొన్ని సంవత్సరాలుగా విజయవంతంగా ప్రసారమవుతోంది. జబర్దస్త్ మొదలయ్యి ఇప్పటికే దశాబ్దకాలం కావస్తోంది. కామెడీ షో ద్వారా ఎంతోమంది ఆర్టిస్టులుగా, కామెడీ స్టార్స్ గా గుర్తింపు పొందారు. ఈ షో ద్వారా ఇండస్ట్రీలో మంచి గుర్తింపు పొందిన వారిలో హైపర్ ఆది కూడా ఒకరని అనడంలో సందేహం లేదు. మొదట అదిరే అభి టీమ్ లో కంటెస్టెంట్ గా తన కెరీర్ ప్రారంభించిన ఆది నెమ్మదిగా తన ప్రతిభతో అంచెలంచెలుగా ఎదుగుతూ టీమ్ లీడర్ అయ్యాడు.
ప్రస్తుతం జబర్దస్త్ లో కొనసాగుతున్న టీమ్ లీడర్ లో హైపర్ ఆది మొదటి స్థానంలో ఉన్నాడు అనటంలో సందేహం లేదు. హైపర్ ఆది టీమ్ లీడర్ అయిన తర్వాత జబర్దస్త్ రూపురేఖలు మారిపోయాయి. ఆది జడ్జిలు, యాంకర్ లను కూడా వదలకుండా వారితో కూడా స్కిట్లు వేయిస్తున్నాడు. జబర్దస్త్ ప్రారంభంలో లేడీ గెటప్ లు వేసే వారు. కానీ ప్రస్తుతం ఈ షో లో ఎంతో మంది లేడీ ఆర్టిస్టులు కమెడియన్లు గా గుర్తింపు పొందారు. అటువంటి ఆది గత 4, 5 వారాలుగా జబర్దస్త్ లో కనిపించడం లేదు. దీంతో ప్రేక్షకులలో పలు అనుమానాలు రేకెత్తుతున్నాయి.
అయితే వచ్చే వారంలో అయిన ఆది జబర్దస్త్ లో కనిపించనున్నాడా లేదా అని ఎదురు చూసిన ప్రేక్షకులకు ఒక క్లారిటీ వచ్చింది. వచ్చే వారం ప్రసారమయ్యే జబర్దస్త్ షో కి సంబంధించిన ప్రోమో ఇటీవల విడుదలయ్యింది. దీంట్లో కూడా ఆది ఎక్కడా కనిపించలేదు.అయితే శ్రీదేవి డ్రామా కంపెనీలో సందడి చేస్తున్న ఆది జబర్దస్త్ లో కనిపించకపోవటంతో ఆది జబర్దస్త్ కు గుడ్ బై చెప్పేశాడని వార్తలు వినిపిస్తున్నాయి. అయితే ఈ విషయం గురించి ఆది ఎలా స్పందిస్తాడో చూడాలి మరి.