హర్యానాలోని అంబాలా జిల్లాలో ఒక కుటుంబం కోసం 29 ఏళ్లుగా సాగిన నిరీక్షణ గూగుల్ మ్యాప్స్ సహాయంతో ముగిసింది. 9 ఏళ్ల వయసులో తప్పిపోయిన కుమారుడు 38 ఏళ్ల వయసులో తల్లి చెంతకు తిరిగి వచ్చి నిలబడ్డాడు. భావోద్వేగానికి గురైన తల్లి కుమారుడిని కౌగిలించుకుని కన్నీరెళ్లబోశారు. ఈ సంఘటన స్థానికంగా ఎంతగానో చర్చనీయాంశమైంది.
సంజయ్ అనే బాలుడు చిన్నతనంలో అంబాలా రైల్వే స్టేషన్ వద్ద ఆటలాడుతూ అనుకోకుండా ఒక రైలు ఎక్కాడు. అది ఏకంగా ఉత్తరప్రదేశ్‌లోని ఆగ్రా వరకు వెళ్లింది. అక్కడ దిగిన సంజయ్‌కు తన ఊరు ఎక్కడ, ఎక్కడికి వెళ్లాలో గుర్తు లేక తలనొప్పిగా మారింది. ఒక్కొక్కటిగా మీరట్, రిషికేశ్ ప్రాంతాల్లో ఆశ్రయం పొందుతూ జీవితం కొనసాగించాడు. ఆ తరువాత ఓ మహిళను పెళ్లిచేసుకుని అక్కడే స్థిరపడ్డాడు.
కాలక్రమేణా తన చిన్ననాటి జ్ఞాపకాలు మెలకువగా వచ్చాయి. ఒక పోలీస్ స్టేషన్, దాని దగ్గర దర్గా వంటివి గుర్తొచ్చాయి. వాటిని ఆధారంగా చేసుకుని గూగుల్ మ్యాప్స్‌లో వెతికాడు. చివరికి తన పుట్టిన ఊరు గుర్తించి, అక్కడికి వెళ్లాడు. తలుపు తట్టిన సంజయ్‌ను చూసిన తల్లి వీణ ఒక్కసారిగా అతన్ని ఆలింగనం చేసుకున్నారు. అనేక సంవత్సరాల నిరీక్షణ అనంతరం తన కుమారుడిని తిరిగి చూసిన తల్లి భావోద్వేగంతో కన్నీళ్లు పెట్టుకుంది.