Jr. NTR: తెలుగు చిత్ర పరిశ్రమలోకి ఎన్టీఆర్ మనవడిగా సినిమా రంగప్రవేశం చేసిన తనకంటూ సొంత గుర్తింపు తెచ్చుకుని చాలా చిన్న వయసులో తక్కువ కాలంలో టాప్ హీరో రేంజ్ కి వెళ్ళాడు ఎన్టీఆర్. రాజమౌళి డైరెక్ట్ చేసిన RRR మూవీతో ఇక పాన్ ఇండియా స్టార్ అయ్యారు ఎన్టీఆర్. ఇంకా సినిమా రిలీజ్ కాకపోయినా ప్రొమోషన్స్ లో తన మాట తీరుతో అన్ని భాషల ప్రేక్షకులకు దగ్గరయ్యారు. ఇక RRR తర్వాత ఎన్టీఆర్ కొరటాల శివ డైరెక్షన్ లో ఒక ఫిల్మ్ చేయబోతున్నారు. అందులో బస్తీలో చదివి మెరిట్ స్టూడెంట్ గా ఎదుగుతారు. అయితే రాజకీయాల వల్ల రాజకీయనాయకుల జోక్యం వల్ల విద్యార్థుల చదువుకు ఆటంకం ఏర్పడినపుడు వారి కోసం పోరాడే పాత్రలో ఎన్టీఆర్ కన్పించనున్నారు.
ఇక కొరటాల ఈ సినిమాలో పొలిటికల్ డ్రామా ఎక్కువగానే చూపబోతున్నారని టాక్. ఇక సినిమాలోనే కాకుండా నిజజీవితంలోను ఎన్టీఆర్ ప్రత్యక్ష రాజకీయాల్లోకి రావాలని అభిమానులు కోరుకుంటున్నారు. ఏకంగా ఒక అభిమాని ఎన్టీఆర్ కోసం పాదయాత్ర చేసారు. నారాయణ జిల్లా గుణ్ముక్ల గ్రామానికి చెందిన జే. సురేష్ గౌడ్ ఎన్టీఆర్ బాగుండాలని అలాగే రాజకీయాల్లోకి రావాలని తన గ్రామం నుండి శ్రీశైలంకు 250 కిలోమీటర్లు పాదయాత్ర చేసారు.
సురేష్ గౌడ్ ఎన్టీఆర్ వీరాభిమాని అయన పై అభిమానంతో తన కొడుకు పేరు కూడా అభయ్ రామ్ అని పెట్టుకున్నారు. అనేక సేవ కార్యక్రమాలు ఎన్టీఆర్ పేరు మీద జరిపేవారు. అలా అయన రాజకీయ ప్రవేశం చేసి ప్రజలకు సేవచేయాలని భావిస్తున్నారు. ఇక ప్రస్తుతం ఎన్టీఆర్ వరుస సినిమాలతో ఎంతో బిజీగా ఉన్నారు.