Samyuktha Menon: మలయాళీ హీరోయిన్ సంయుక్త మీనన్ భీమ్లా నాయక్ సినిమాతో ప్రేక్షకుల ముందుకు వచ్చి మంచి పాపులారిటీని దక్కించుకుంది. మలయాళీ హీరోయిన్ అయినప్పటికీ తెలుగు నేర్చుకుని తెలుగులో చక్కగా మాట్లాడి తెలుగు ప్రేక్షకుల అభిమానాన్ని గెలుచుకుంది. భీమ్లా నాయక్ ఫ్రీ రిలీజ్ ఈవెంట్ లో ఈ హీరోయిన్ తెలుగు సంప్రదాయం కనిపించేటట్టుగా అచ్చ తెలుగు అమ్మాయిలాగా మెరిసిపోయింది. ఇక పవన్ కళ్యాణ్ సంయుక్త మీనన్ కలిసి ఉన్న ఫోటోలు సోషల్ మీడియాలో ఒక రేంజ్ లో వైరల్ అయ్యాయి. అయితే భీమ్లా నాయక్ లో తన పాత్ర కు మంచి రివ్యూస్ ప్రేక్షకుల నుంచి వచ్చాయి.
ఇక తెలుగు చిత్ర పరిశ్రమలో సంయుక్త మీనన్ మంచి అవకాశాలను కూడా తన సొంతం చేసుకునే అవకాశం ఉంది . ఇక సోషల్ మీడియాలో సంయుక్త మీనన్ కు చాలా మంది ఫాలోవర్స్ ఉన్నారు ఆమెకు ఫ్యాన్ ఫాలోయింగ్ కూడా పెరుగుతూనే వస్తుంది. అయితే తాజాగా ఈ ముద్దుగుమ్మ ఒక విషయం గురించి హెచ్చరించింది.
తన పేరు మీద ఉన్న ఫేక్ అకౌంట్ గురించి చెప్పి తన అభిమానులను హెచ్చరించింది. ప్రస్తుతం సంయుక్త మీనన్ చేసిన ఒక పోస్టు వైరల్ అవుతుంది. అది ఏంటంటే సోషల్ మీడియాలో సెలెబ్రిటీలకు ఇలాంటి ఫేక్ ఖాతాలు చాలా పెద్ద ఇబ్బందిగా మారుతుంటాయి. అయితే అధికార గుర్తింపు ఉంటే ఇలాంటి సమస్యలు రావు కానీ కొందరికి అధికారిక గుర్తింపు, బ్లూ టిక్ వచ్చి ఉండవు. వారికి మాత్రం ఈ చిక్కులు తప్పవు. ఇక సంయుక్త మీనన్కు ట్విట్టర్లో ఈ అధికారిక గుర్తింపు లేదు. దాంతో సంయుక్త మీనన్ పేరు మీద ఫేక్ అకౌంట్ చెలరేగిపోతోంది. తన ఒరిజినల్ అకౌంట్ కంటే ఫేక్ అకౌంట్ కి ఎక్కువ మంది ఫాలోవర్స్ ఉన్నారు.