Samantha: విడాకుల ప్రకటన తర్వాత సమంత వరుస సినిమాలతో ఎంతో బిజీగా ఉన్నారు. ఈ క్రమంలోనే ఈమె వరుస సినిమా అవకాశాలతో ఇండస్ట్రీలో దూసుకుపోతున్నారు. ఇక రాజ్ అండ్ డీకే దర్శకత్వంలో సమంత నటించిన ది ఫ్యామిలీ మెన్2 వెబ్ సిరీస్ ద్వారా బాలీవుడ్ ఇండస్ట్రీలో కూడా ఎంతో మంచి పేరు ప్రఖ్యాతలు సంపాదించుకున్న సమంతకు వరుస బాలీవుడ్ అవకాశాలు వస్తున్నాయి. ఈ క్రమంలోనే ఈమె తరుచూ ముంబై వెళ్తూ దర్శకులతో చర్చలు జరుపుతున్నారు.
ఈ క్రమంలోనే తాజాగా ముంబయ్ వెళ్ళిన ఈమె ది ఫ్యామిలీ మెన్ దర్శకులు రాజ్ అండ్ డీకేను కలిసి వారితో పలు చర్చలు జరిపినట్లు తెలుస్తోంది. అయితే ఈ చర్చలో భాగంగా బాలీవుడ్ హీరో వరుణ్ ధావన్ కూడా ఉన్నట్లు తెలుస్తోంది.ఇక ఈ చర్చల అనంతరం సమంత బయటకు రావడంతో ఒక్కసారిగా ఫోటోగ్రాఫర్లు సమంతా సమంతా అంటూ గట్టిగా కేకలు వేస్తూ ఆమెను చుట్టుముట్టారు. ఈ క్రమంలోనే సమంత వెనకే ఉన్న వరుణ్ ధావన్ తనకు బాడీ గార్డ్ గా మారిపోయారు.
ఈ క్రమంలోనే వరుణ్ ధావన్ స్పందిస్తూ సమంత భయపడి పోతుంది..ఎందుకు తనని భయపెడుతున్నారు అంటూ స్వయంగా తానే సమంతను దగ్గరుండి తన కారు దగ్గరకు తీసుకెళ్లి ఎక్కించారు. ఇలా సమంతను ప్రొటెక్ట్ చేస్తూ వరుణ్ ధావన్ బాడీగార్డ్ గా మారిపోయారు. ప్రస్తుతం ఈ ఘటనకు సంబంధించిన ఫోటోలు సోషల్ మీడియాలో వైరల్ గా మారడంతో నెటిజన్లు పలు రకాల సందేహాలను వ్యక్తపరుస్తున్నారు. రాజ్ అండ్ డీకే దర్శకత్వంలో సమంత వరుణ్ ధావన్ కలిసి ఏదైనా వెబ్ సిరీస్ చేస్తున్నారా అంటూ సందేహాలను వ్యక్తపరుస్తున్నారు.