తెలుగు సినిమా ఇండస్ట్రీలో మాటల మాంత్రికుడిగా పేరు ప్రఖ్యాతలు సంపాదించుకున్న డైరెక్టర్ త్రివిక్రమ్ శ్రీనివాస్ గురించి ప్రత్యేకంగా చెప్పాల్సిన పనిలేదు. ఈయన సినిమాలలో డైలాగుల గురించి ప్రత్యేకంగా చెప్పాల్సిన పనిలేదు. త్రివిక్రమ్ శ్రీనివాస్ ఒక సినిమాకి దర్శకత్వం వహిస్తున్నారు అంటే ఆ సినిమా బాక్సాఫీసు వద్ద కచ్చితంగా విజయాన్ని అందుకుంటుంది.అలా ఎంతో మంది హీరోలకు ఎన్నో సూపర్ హిట్ చిత్రాలను అందించిన ఘనత త్రివిక్రమ్ శ్రీనివాస్ కి ఉందని చెప్పవచ్చు.
తెలుగు సినిమా ఇండస్ట్రీలో దర్శకధీరుడు రాజమౌళి తర్వాత అంతటి క్రేజ్, అంత రెమ్యూనరేషన్ తీసుకొనే దర్శకుడిగా త్రివిక్రమ్ శ్రీనివాస్ ముందుంటారు. ఇకపోతే ప్రస్తుతం త్రివిక్రమ్ శ్రీనివాస్ ఒక్కో సినిమాకు దాదాపు 25 నుంచి 30 కోట్ల రెమ్యూనరేషన్ తీసుకుంటున్నట్లు సమాచారం. ప్రస్తుతం కోట్లలో రెమ్యునరేషన్ తీసుకుంటున్న త్రివిక్రమ్ శ్రీనివాస్ ఇండస్ట్రీలోకి ఎలా వచ్చారు ఆయన మొదట ఎంత రెమ్యూనరేషన్ తీసుకున్నారు అనే విషయానికి వస్తే అందరూ షాక్ అవుతారు.
ఇండస్ట్రీలోకి రాకముందు త్రివిక్రమ్ శ్రీనివాస్ ఒక లెక్చరర్ గా పనిచేసేవారు. అలా లెక్చరర్ గా పనిచేస్తున్న త్రివిక్రమ్ శ్రీనివాస్ హైదరాబాద్ చేరుకుని నటుడు సునీల్, త్రివిక్రమ్ శ్రీనివాస్, ఆర్ పి పట్నాయక్ ముగ్గురు ఒకే గదిలో ఉంటూ సినిమా అవకాశాల కోసం ట్రై చేశారు. అలా సినిమా అవకాశాల కోసం ఎదురుచూస్తున్న సమయంలో స్రవంతి రవి కిషోర్ -రామోజీరావు కలిసి నిర్మించిన చిత్రం ద్వారా ఇండస్ట్రీలోకి అడుగు పెట్టారు. ఇలా ఇండస్ట్రీలోకి అడుగు పెట్టిన త్రివిక్రమ్ శ్రీనివాస్ తన మొదటి రెమ్యూనరేషన్ మూడు వేల రూపాయలను తీసుకున్నారు. 3వేలతో మొదలైన తన ప్రస్థానం నేడు ఒక్కో సినిమాకు 30 కోట్లు తీసుకునే స్థాయికి చేరుకున్నారు.