జబర్దస్త్ తరహాలోనే బుల్లితెర పై ప్రసారమౌతున్న కార్యక్రమాలలో శ్రీదేవి డ్రామా కంపెనీ కార్యక్రమం ఒకటి. ఈ కార్యక్రమంలో కూడా జబర్దస్త్ కమెడియన్స్ సందడి చేస్తారు.ఇక ఈ కార్యక్రమాన్ని మల్లెమాల వారే నిర్వహించడం విశేషం.ఈ విధంగా ఒకే తరహా కామెడీ షో లో ప్రసారం చేస్తున్నప్పటికీ జబర్దస్త్ కన్న శ్రీదేవి డ్రామా
కంపెనీ కార్యక్రమానికి మంచి ఆదరణ లభిస్తుందని చెప్పాలి. ముందుగా ఈ కార్యక్రమానికి ప్రముఖ బుల్లితెర నటుడు అర్జున్ యాంకర్ గా వ్యవహరించారు. ఆ సమయంలో ఈ కార్యక్రమం పెద్దగా ప్రేక్షకాదరణ పొందలేదు. ఈ క్రమంలోనే ఈ కార్యక్రమానికి యాంకర్ గా సుడిగాలి సుదీర్ ఎంట్రీ ఇచ్చారు.
సుడిగాలి సుదీర్ ఎంట్రీతో ఈ కార్యక్రమానికి రేటింగ్స్ అమాంతం పెరిగిపోయాయి.ప్రతి ఆదివారం ప్రసారం అవుతూ ఎంతో మంది ప్రేక్షకులను సందడి చేస్తున్న శ్రీదేవి డ్రామా కంపెనీ కార్యక్రమంలో ఎంతో మంది సీనియర్ నటీనటులు కూడా పాల్గొని సందడి చేశారు. ఇక ఈ వేదికపై కేవలం నవ్వులు మాత్రమే కాకుండా ఎన్నో ఎమోషన్స్, కన్నీటి కష్టాలను కూడా తెలియజేస్తూ ఉంటారు. ఈ విధంగా ఆట పాటలతో ఎంతో మంది నటీనటులతో ప్రసారమౌతున్న ఈ కార్యక్రమాన్ని షూట్ చేయడానికి ఎంత సమయం పడుతుంది అనే సందేహం ప్రతి ఒక్కరిలోనూ నెలకొంది.
ఇక ఈ కార్యక్రమానికి ఎంతోమంది నటీనటులు హాజరవుతారు అయితే వారు అందరితోనూ రెండు మూడు రోజులపాటు కాల్షీట్స్ తీసుకుంటే ఈ కార్యక్రమానికి పెద్ద ఎత్తున డబ్బు ఖర్చు అవుతుంది.అందుకే మల్లెమాల నిర్వాహకులు ఈ కార్యక్రమాన్ని కేవలం ఒక ఎపిసోడ్ ను ఒక రోజులోనే షూటింగ్ పూర్తి చేసేలా ప్లాన్ చేస్తారు.ఇండోర్ షూటింగ్ అయితే ఒక రోజులోనే ఒక ఎపిసోడ్ షూటింగ్ పూర్తి అవుతుందని అలాకాకుండా అవుట్ డోర్ షూటింగ్ అయితే రెండు మూడు రోజుల సమయం పడుతుందని చెప్పవచ్చు. ఏదైనా ప్రత్యేక కార్యక్రమాలు పండగ స్పెషల్ ఈవెంట్ లో భాగంగా ఈ కార్యక్రమం అవుట్ డోర్ షూటింగ్ జరుపుకుంటుంది కేవలం అప్పుడు మాత్రమే ఒక్కో ఎపిసోడ్ షూటింగ్ చేయడానికి రెండు మూడు రోజులు సమయం పడుతుంది.