Samantha: టాలీవుడ్ ఇండస్ట్రీలో ఉన్న క్రేజ్ ఫాలోయింగ్ ను కంటిన్యూ చేస్తున్న స్టార్ హీరోయిన్స్ లో ఒకరు సమంత. ఒకప్పుడు చిన్న సినిమాలతో అలరించిన సమంత, ఇప్పుడు పాన్ ఇండియా రేంజ్ లో ప్రేక్షకులను మెప్పిస్తూ, తన ఇమేజ్ ను మరింత పెంచుకుంటూ వస్తోంది. ఈ మధ్య విడుదలైన పుష్ప లోనూ స్పెషల్ సాంగ్ లో కనిపించి, వయసుతో సంబంధం లేకుండా అందర్నీ ఆకట్టుకున్న విషయం అందరికీ తెలిసిందే.
ఇకపోతే నాగచైతన్యతో విడాకుల అనంతరం కెరీర్ పై దృష్టి పెట్టిన సమంత, భారీ ప్రాజెక్ట్ లలో నిమగ్నం అయినట్టు తెలుస్తోంది. అగ్ర హీరోలతో నటిస్తూ, అత్యంత ఎక్కువ పారితోషికం తీసుకునే హీరోయిన్స్ జాబితాలో చేరిపోయింది.
ఇక ఎపుడూ విభిన్న పోస్ట్ లు చేస్తూ సోషల్ మీడియాలో యాక్టిివ్ గా ఉండే సమంత, ఈ మధ్య మరికొన్ని ఎమోషనల్ పోస్ట్ లు చేస్తూ అందరినీ ఆకర్షిస్తోంది. ఇటీవల #Mymomsaid అనే హాష్ టాగ్ తో స్ఫూర్తిదాయక పోస్ట్ చేసిన సమంత, తనను ట్రోల్ చేసే వారికి తన స్టైల్ లో రెప్లై లు కూడా ఇస్తూ వారి నోరు మూయిస్తోంది. ఐతే ఈ నేపథ్యంలోనే ఆమెకు ప్రకటనల పరంగానూ భారీగా డిమాండ్ పెరిగినట్టు తెలుస్తోంది. ఆమె పెట్టే ప్రతీ పోస్ట్ కు దాదాపుగా రూ. 25 నుంచి రూ.30 లక్షల వరకూ తీసుకున్నట్టు సమాచారం. దీనికి తోడు ఈ పోస్ట్ లకు సంబంధించి, ఏమైనా ఫొటోస్, వీడియోస్ షూట్ చేయాల్సి వస్తే వాటికి అదనంగా వసూలు చేస్తున్నట్లు సినీ వర్గాల సమాచారం. ఈ రేంజ్ లో డిమాండ్ ను కూడ గట్టుగున్న ఈ ముద్దుగుమ్మ ప్రస్తుతం శాకుంతలం అనే సినిమాతో రానున్న విషయం తెలిసిందే.