Aliya Bhat: బాలీవుడ్ స్టార్ హీరోయిన్ అలియా భట్ ప్రస్తుతం వరుస సినిమాలతో ఎంతో బిజీగా ఉన్నారు. ఈ క్రమంలోనే అలియాభట్ ప్రస్తుతం గంగుబాయి సినిమా నుంచి ఇప్పుడిప్పుడే బయట పడుతూ తన తదుపరి చిత్రాల పై ఫోకస్ చేస్తున్నారు. ఇక ఈమె మొట్ట మొదటిసారిగా RRR సినిమా ద్వారా తెలుగు ప్రేక్షకుల ముందుకు రాబోతోంది. ఈ సినిమా మార్చి 25వ తేదీ విడుదల కానుంది. ఇక ఈ సినిమా విడుదల కాకుండానే అలియా మరో సినిమా అవకాశాన్ని కూడా అందుకుంది.
ఎన్టీఆర్ తన 31 చిత్రాన్ని స్టార్ డైరెక్టర్ కొరటాల శివ దర్శకత్వంలో చేస్తున్న సంగతి మనకు తెలిసిందే. ఈ క్రమంలోనే ఈ సినిమాని పాన్ ఇండియా స్థాయిలో తెరకెక్కిస్తున్నారు. ఇక ఈ సినిమా కోసం స్టార్ హీరోయిన్ ను తీసుకోవాలనే ఆలోచనలో చిత్రబృందం ఉన్నట్లు వార్తలు వచ్చినప్పటికీ ఈ సినిమాకి అలియా కన్ఫర్మ్ అయినట్లు ఈమె వెల్లడించారు. రాజమౌళి దర్శకత్వంలో తెరకెక్కిన RRR సినిమాలో నటించిన వెంటనే మరోసారి ఎన్టీఆర్ తో నటించే అవకాశం రావడంతో వెంటనే ఈ సినిమాకి గ్రీన్ సిగ్నల్ ఇచ్చారు.
ఇక తాజాగా ఈ సినిమాకు సంబంధించిన సమాచారం ప్రస్తుతం సోషల్ మీడియాలో వైరల్ గా మారింది.ఎన్టీఆర్ సరసన తన 30 వ చిత్రంలో హీరోయిన్ గా నటిస్తున్న ఈ సినిమాకి అలియా భారీ మొత్తంలోనే పారితోషికం తీసుకున్నట్లు తెలుస్తోంది. ఈ సినిమాకోసం అలియా ఏకంగా 4 కోట్ల రూపాయల రెమ్యూనరేషన్ తీసుకున్నట్లు సమాచారం. ఇక ఈ సినిమాలో ఎన్టీఆర్ మూడు గెటప్స్ లో సందడి చేయనున్నట్లు తెలుస్తోంది. త్వరలోనే ఈ సినిమా షూటింగ్ పనులను ప్రారంభించనున్నట్లు సమాచారం.