Director Teja: ఏదైనా సినిమాకు ఆర్టిస్ట్లను తీసుకునేటపుడు స్టెప్ బై స్టెప్గా చాలా రకాలైన టెస్టులు పెడతారని నటుడు ఎమ్.ఎస్. చౌదరి అన్నారు. లక్ష్మీ కల్యాణం సినిమాకు కూడా తానే విలన్ క్యారెక్టర్ అన్నారు గానీ, ఫైనల్ టెస్ట్కి వచ్చేసరికి మిస్ అయిందని ఆయన చెప్పారు. అలా అదొక్కటే కాదు చాలా సినిమాలు మిస్ అయ్యాయని ఆయన చెప్పుకొచ్చారు. అప్పట్లో తాను చాలా సన్నగా ఉండేవాడినన్న ఆయన, తాను మొదట్లో విలన్గా నిలదొక్కుకోకపోవడానికి అది కూడా ఒక కారణమని కొంత మంది తనతో చెప్పేవారని చౌదరి తెలిపారు.
కానీ ఒక ఆర్టిస్ట్గా తేజ గారు తనను బాగా గౌరవిస్తారని, తాను చేసిన నాటకాలను కూడా చూసి చాలా ఇష్టపడతారని ఆయన తెలిపారు. ఇకపోతే చాలా మంది ఆర్టిస్ట్లు చెప్పేమాటేంటే తేజ గారికి చాలా కోపం ఎక్కువ అని, అలా చాలా మందితో గొడవ కూడా పెట్టుకున్నాడని. అదే విషయంపై చౌదరి సమాధానం చెబుతూ, తనక్కూడా ఆయనతో అలాంటి చిన్న గొడవ జరిగిందని ఆయన చెప్పారు. కానీ అది ఆర్టిస్ట్ విషయంలో కాదని, డేట్స్ విషయంలో అని ఆయన తెలిపారు. తాను గబ్బర్సింగ్ సినిమా చేసే సమయంలో అది జరిగిందని ఆయన చెప్పుకొచ్చారు.
తాను అప్పటికే గబ్బర్సింగ్ సినిమాకు ఒప్పుకున్నానన్న చౌదరి, ఆ టైంలోనే తేజ గారు పిలిచి ఆర్టిస్ట్లను ట్రైనప్ చేయమని చెప్పారని, ఆ రకంగా చేసిన తర్వాత ఆ సినిమాలో కచ్చితంగా విలన్ తానే చేయాలని చెప్పి బలవంతంగా చేయించారని ఆయన అన్నారు. అప్పుడు తాను అప్పటికే గబ్బర్సింగ్ సినిమా ఒప్పుకున్నానని చెప్పినా కూడా తేజ గారు పట్టుబట్టారని ఆయన తెలిపారు. అప్పుడు తాను వెళ్లి హరీశ్ శంకర్ గారిని కలిసి జరిగిందంతా చెప్తే, తేజ గారి సినిమాలో విలన్ అంటే చాలా బాగుంటుందని, మీరు చేయండి, మీకు వీలు కాకపోయినా నేను మేనేజ్ చేస్తానని ఆయన చెప్పడంతో తాను తేజ గారి సినిమాలో చేయడానికి వెళ్లానని చౌదరి చెప్పారు. ఆ విలన్ క్యారెక్టర్కి తనకు తలపై ఉన్న హెయిర్ తీశేసారని ఆయన చెప్పారు. ఆ తర్వాత గబ్బర్సింగ్ సినిమాలో చేద్దామనుకునే సరికి తాను సెట్ కాలేదని, అప్పుడు హరీశ్ శంకర్ గారికి అడిగి క్యాప్ పెట్టుకొని ఆ సినిమాలో యాక్ట్ చేశానని చౌదరి అన్నారు. ఆయన ఆ టైంలో చాలా బాగా అర్థం చేస్కున్నారని, తన కోసం దాదాపు 25 రోజులు ఆగారన్న ఆయన, ఆ విషయంలో కొంచెం కోపం వచ్చి తాను, తేజ గారు తిట్టుకున్నామని ఆయన నవ్వుతూ చెప్పారు.