RRR Movie: దర్శకుడు ఎస్.ఎస్.రాజమౌళి దర్శకత్వంలో ఎంతో ప్రతిష్టాత్మకంగా తెరకెక్కిన ఆర్ఆర్ఆర్ సినిమా 25వ తేదీ ప్రేక్షకుల ముందుకు రానుంది. ఈ క్రమంలోనే ఈ సినిమా కోసం అభిమానులు ఎంతో ఆతృతగా ఎదురుచూస్తున్నారు.మరి కొన్ని గంటలలో ప్రేక్షకుల ముందుకు రాబోతున్న ఈ సినిమా గురించి ఇప్పటికే పెద్ద ఎత్తున చిత్రబృందం ప్రమోషన్ కార్యక్రమాలను నిర్వహించారు. ఇకపోతే ఈ సినిమాలో యంగ్ టైగర్ ఎన్టీఆర్ కొమురంభీం పాత్రలో నటిస్తున్న సంగతి మనకు తెలిసిందే.
ఇక ఈ సినిమాలో ఎన్టీఆర్ నడిపిన బండి గురించి గతంలో పెద్ద ఎత్తున వార్తలు వచ్చాయి. అయితే ఎన్టీఆర్ వాడిన బుల్లెట్ ఈ తరానికి చెందినది కాదు. ఈ బండికి కూడా ఎంతో ప్రత్యేకత ఉంది. ఇక ఈ సినిమాని స్వాతంత్ర సమరయోధులు అయిన కొమరం భీమ్, అల్లూరి సీతారామరాజు పాత్రలలో రాబోతుంది కనుక స్వాతంత్రానికి ముందు ఉపయోగించిన ద్విచక్ర వాహనం కోసం రాజమౌళి ఎంతో శ్రమించారు.1920 ప్రాంతంలో వాడే వాహనం కోసం రాజమౌళి తెగ ప్రయత్నం చేశారు. బ్రిటన్ లోని బర్మింగ్ హామ్ లోని ఓ కంపెనీ 1920 నుంచి 1950 ఈ విధమైనటువంటి ద్విచక్ర వాహనాలను తయారు చేసింది.
అయితే అప్పట్లో 300, 500 సీ సీ ద్విచక్ర వాహనాలు ఉండేవి. అయితే ఇలాంటి ద్విచక్ర వాహనాలను తయారు చేయడం 1971 వ సంవత్సరంలో ఆగిపోయింది.ఇక ఈ సినిమాలో అలాంటి బండి ఉపయోగించడం కోసం రాజమౌళి ఏకంగా 20 లక్షల వరకు ఖర్చు చేసినట్లు తెలుస్తోంది.ఇలా ఎన్టీఆర్ ఉపయోగించిన ఈ బుల్లెట్ 20 లక్షల రూపాయలు అనే వార్త ప్రస్తుతం సోషల్ మీడియాలో వైరల్ గా మారింది. ఇక ఈ సినిమా 25 వ తేదీ విడుదల కావడంతో ఇప్పటికే అన్ని రాష్ట్రాలలోనూ పెద్ద ఎత్తున టికెట్ బుక్ అయ్యాయి.