Kamal Haasan: అందాల తార శ్రీదేవి గురించి ప్రత్యేకంగా పరిచయం చేయాల్సిన అవసరం లేదు. ఈమె ఎన్నో సినిమాలలో నటించి నటిగా గుర్తింపు పొందారు. ఇక తెలుగు, తమిళ, హిందీ భాషలలో నటిస్తూ అగ్రతారగా కొనసాగిన శ్రీదేవి కమల్ హాసన్ తో కలిసి ఎన్నో చిత్రాలలో నటించారు. వీరిద్దరు జంటగా నటించిన సినిమాలు బాక్సాఫీస్ వద్ద మంచి విజయాన్ని అందుకోవడమే కాకుండా నిజ జీవితంలో కూడా వీరిద్దరూ జోడి అయితే బాగుంటుందని ఎంతోమంది అభిమానులు భావించారు.
ఇక శ్రీదేవి కుటుంబంతో కమల్ హాసన్ ఎంతో మంచి అనుబంధం ఉంది. ఈ క్రమంలోనే కమల్ హాసన్ నిత్యం శ్రీదేవి ఇంటికి వెళ్తూ ఉండేవారు. ఇక వీరి మధ్య ఉన్న పరిచయం మంచి స్నేహ బంధం చూసిన శ్రీ దేవి తల్లి కమల్ హాసన్ తో మాట్లాడుతూ తన కూతురు శ్రీదేవిని పెళ్లి చేసుకోమని చెప్పారట. ఈ విషయం విన్న కమల్ హాసన్ ఒక్కసారిగా ఆశ్చర్యపోయారు. ఇక ఈ విషయాన్ని కమల్ హాసన్ శ్రీదేవి చనిపోయిన తర్వాత ఆమెకు నివాళులు అర్పిస్తూ ఏర్పాటుచేసిన ఓ ఈవెంట్లో ‘శ్రీదేవి 28 అవతారాలు’ అనే టైటిల్తో రాసిన ఓ నోట్ను ప్రెజెంట్ చేశారు.
శ్రీదేవి కమల్ హాసన్ ఎంతో చనువుగా ఉండటంతో అభిమానులు మాత్రమే కాకుండా తన తల్లి కూడా ఇలా తన కూతుర్ని పెళ్లి చేసుకోమని అడిగారని కమల్ హాసన్ వెల్లడించారు. అయితే కమల్ హాసన్ తన తల్లి అడగడంతో ఎంత సున్నితంగా తన తల్లి నిర్ణయాన్ని తిరస్కరించారు. శ్రీదేవిని తన సొంత తోబుట్టువులా చూసుకుంటానని తనపై ఎలాంటి అభిప్రాయం లేదని కమల్ హాసన్ శ్రీదేవితో పెళ్లి సంబంధాన్ని రిజెక్ట్ చేశారు. శ్రీదేవి తనని ఎంతో గౌరవంగా పిలిచేదని తను చనిపోయే వరకు ఎప్పుడు సర్ అంటూ పిలిచే లేదని కమల్ హాసన్ తెలియజేశారు.