తెలుగు సినిమా ఇండస్ట్రీలో అన్నగారు నందమూరి తారక రామారావు స్థాయి ఏంటో అందరికీ తెలిసిందే. చిత్ర పరిశ్రమలో ఎలాంటి పాత్రలో అయినా పరకాయ ప్రవేశం చేసి ఆ పాత్రలో జీవించేవారని చెప్పాలి.ఇలా ఎన్నో కుటుంబ కథా చిత్రాలలోనూ ప్రేమకథా చిత్రాలలోనూ పౌరాణిక చిత్రాలలోనూ ఎంతో అద్భుతంగా నటించి ఎంతో మంది అభిమానులను సంపాదించుకున్నారు. ఇక అప్పట్లో ఎన్టీఆర్ ఏఎన్నార్ పోటీపడి మరి సినిమాలలో నటించేవారు. ఇకపోతే ఎన్టీఆర్ కొన్ని కారణాలవల్ల ఎన్నో అద్భుతమైన సినిమాలను కూడా వదులుకొని బాధపడ్డారని చెప్పాలి.
ఇలా ఎన్టీఆర్ గారు వదులుకొని బాధపడిన సినిమాలలో భక్తతుకారం ఒకటి.ఈ సినిమాలో ముందుగా నటించే అవకాశం ఎన్టీఆర్ కి వచ్చిన ఆయన డేట్స్ ఖాళీగా లేని కారణంగా ఈ సినిమాలో ఏఎన్ఆర్ నటించారు. ఈ సినిమా మంచి హిట్ అవడంతో ఎన్టీఆర్ ఎంతో బాధపడ్డారట.ఇకపోతే ఎన్టీఆర్ నిర్మాణంలో ఆయన దర్శకత్వంలో వచ్చిన శ్రీకృష్ణ పాండవీయం సినిమా పై ఎన్నో అంచనాలు పెట్టుకుని ఈ సినిమాలో నటించారట.అయితే ఈ సినిమా బాక్స్ ఆఫీస్ వద్ద చేదు అనుభవాన్ని మిగిల్చడంతో ఈ సినిమా కారణంగా ఎన్టీఆర్ సుమారు రెండు నెలల పాటు మనోవేదనకు గురయ్యారని తెలుస్తోంది.
ఇలా తెలుగులో ఎంతో మంచి క్రేజ్ సొంతం చేసుకున్న ఎన్టీఆర్ బాలీవుడ్ అవకాశాలు వచ్చినప్పటికీ ఈయన బాలీవుడ్ సినిమాలలో నటించలేకపోయారు. ఉదయం లేచినప్పటి ఏమాత్రం విరామం లేకుండా రాత్రి 10 గంటల వరకు సినిమా షూటింగ్లలో పాల్గొని ఎన్టీఆర్ కి ఏమాత్రం వ్యాయామం చేసే అవకాశం లేకపోవడంతో ఈయన పొట్ట బాగా పెరిగిపోయిందట.ఈ క్రమంలోనే తన పొట్టను తగ్గించుకోవాలని ఎంతో మంది సూచించినప్పటికీ సమయం లేక ఎన్టీఆర్ నిర్లక్ష్యం చేయడం వల్లే ఈయన బాలీవుడ్ అవకాశాలు కోల్పోయారని తెలుస్తోంది.లేదంటే బాలీవుడ్ ఇండస్ట్రీలో కూడా ఎన్టీఆర్ చక్రం తిప్పే వారని చెప్పడంలో సందేహం లేదు.