Charan – NTR: టాలీవుడ్ ఇండస్ట్రీలో ఇప్పటి వరకూ ఎన్నో మల్టీ స్టారర్ సినిమాలు వచ్చినా భారతీయ సినిమా చరిత్రలోనే నిలిపోయేలా తీసిన చిత్రం ఆర్ ఆర్ ఆర్. ఇప్పటికే భారీ వసూళ్లతో దూసుకు పోతున్న ఈ సినిమా ఇప్పటికే దాదాపు రూ.257 కోట్ల కలెక్షన్స్ ను సొంతం చేసుకొని, రికార్డ్ సృష్టించింది. ఇటు మెగా ఫ్యాన్స్, మరో పక్క నందమూరి అభిమానులు నువ్వా నేనా అన్న విధంగా సంబరాలు చేసుకుంటూ తమ అభిమాన హీరోకు పాలాభిషేకాలు చేస్తూ తమ ఇష్టాన్ని తెలియజేస్తున్నారు.
ఐతే రాజమౌళి దర్శకత్వంలో ఎన్టీఆర్, రామ్ చరణ్ ఇప్పటికే విడి విడిగా సినిమాలు చేసినప్పటికీ ఈ సినిమా మాత్రం వారి కెరీర్ లోనే గొప్పదిగా నిలుస్తుంది అనడంలో ఏ మాత్రం సందేహం లేదు. కరోనా కారణంగా మరియు ఇతర కారణాల వల్ల వాయిదా పడిన ఈ సినిమా ఎట్టకేలకు మార్చి 25 న రిలీజ్ అవడంతో అంతా తెగ మురిసి పోతున్నారు.
కాగా అనుకోని విధంగా రిలీజ్ అయిన ఈ సినిమా కనీవినీ ఎరుగని రీతిలో సంచలనం సృష్టిస్తున్న ఈ నేపథ్యంలో మార్చి నెల ఈ ఇద్దరికీ ఒక ప్లస్ పాయింట్ గా మారిందని పలువురు భావిస్తున్నారు. అదెలా అంటే తారక్ కెరీర్ లో సెన్సేషన్ హిట్ కొట్టిన ఆది సినిమా 2002 మార్చిలోనే రిలీజ్ అయింది. ఇప్పుడు మళ్లీ 20 ఏళ్లకు అంతకు మించిన భారీ హిట్ తో అభిమానులను మెప్పించాడు ఎన్టీఆర్. ఇక చరణ్ గురించి చెప్పాలంటే, ఆయన నటించిన రంగస్థలం సినిమా 2018 మార్చి నెలలోనే ఎంత భారీ విజయాన్ని సొంతం చేసుకుందో అందరికీ తెలిసిందే. ఇప్పుడు మళ్లీ రెండేళ్ల తర్వాత దాని కంటే రెట్టింపు స్థాయిలో ఫ్యాన్స్ ను ఎంటర్ టైన్ చేసి, ఆదరాభిమానాలను పొందాడు చరణ్. వీటన్నిటినీ గమనిస్తే మార్చి నెల నిజంగానే వీరిద్దరి కెరీర్ లోనూ సెంటిమెంట్ నెలగా మారినట్టే తెలుస్తోంది.