లేటెస్ట్ : ప్రభాస్ “ప్రాజెక్ట్ కే” నుంచి హాలీవుడ్ లెవెల్లో దీపికా లుక్.!

ప్రస్తుతం టాలీవుడ్ సహా ఇండియన్ సినిమా దగ్గర కూడా భారీ బడ్జెట్ తో తెరకెక్కుతూ మోస్ట్ కాస్ట్లీయెస్ట్ సినిమాగా తెరకెక్కుతున్న చిత్రం ఏదన్నా ఉంది అంటే అది యంగ్ రెబల్ స్టార్ ప్రభాస్ నటిస్తున్న “ప్రాజెక్ట్ కే” సినిమానే అని చెప్పాలి. మరి ఈ మాసివ్ బడ్జెట్ ప్రాజెక్ట్ లో ప్రభాస్ తో పాటుగా ఎంతో మంది అగ్ర నటులు భాగం అయ్యారు.

మరి వారిలో బాలీవుడ్ స్టార్ నటుడు అమితాబ్ బచ్చన్ కూడా కీలక పాత్ర చేస్తుండగా బాలీవుడ్ హాట్ అండ్ స్టార్ హీరోయిన్ దీపికా పదుకొనె కూడా నటిస్తుంది. అయితే లేటెస్ట్ గా చిత్ర యూనిట్ ఈరోజు దీపికా పుట్టిన రోజు కానుకగా అయితే ఓ ఇంటెన్స్ పోస్టర్ ని రిలీజ్ చేశారు.

అయితే ఈ చిత్రంలో దీపికా చేస్తున్న ఈ రోల్ సినిమాకే చాలా కీలకం అన్నట్టుగా చిత్ర యూనిట్ ఈమె పాత్రని పరిచయం చేశారు. అయితే ఈమెని బాగా గమనిస్తే ఫేస్ ని రివీల్ చేయలేదు కానీ తన కాస్ట్యూమ్ చూస్తే కొన్ని హాలీవుడ్ సినిమాల్లో లేడీస్ పత్రాలు గుర్తుకు రాక మానవు.

పైగా ఈ ఇందులో ఇంట్రెస్టింగ్ అంశం ఏమిటంటే ఇది సినిమాలో ఫ్యూచర్ లో సీన్ కూడా కావచ్చని అనిపిస్తుంది. దీనితో ఈ కొత్త పోస్టర్ మాత్రం ఒక్కసారిగా సినీ వర్గాల్లో ఆసక్తి రేపింది. ఇక ఈ సినిమా పాన్ ఇండియా లెవెల్లోనే కాకుండా పాన్ వరల్డ్ లెవెల్లో రిలీజ్ కానుంది. అయితే ఈ చిత్రాన్ని యంగ్ దర్శకుడు నాగ్ అశ్విన్ నిర్మాణం వహిస్తున్నాడు.