మెగాస్టార్ చిరంజీవి హీరోగా తెరకెక్కుతున్న ‘భోళా శంకర్’ సినిమా షూటింగ్ ప్రస్తుతం కోల్‌కతాలో జరుగుతున్న సంగతి తెలిసిందే. కోల్‌కతా అంటే, మెగాస్టార్ చిరంజీవికి ఫేవరెట్ డెస్టినేషన్.. సినిమాల పరంగా.!
‘చూడాలని వుంది’ సినిమాలోని ‘యమహానగరి..’ అంటూ సాగే పాట అప్పటికీ ఇప్పటికీ ఓ క్లాసిక్.! అలాంటి పాటని ఇంకోసారి ‘భోళా శంకర్’ సినిమాలో చూడబోతున్నామా.?
ఏమోగానీ, ఇది ‘వేదాలం’ సినిమాకి తెలుగు రీమేక్. తమిళ:లో అజిత్ హీరోగా తెరకెక్కింది ‘వేదాలం’. తొలుత, పవన్ కళ్యాణ్ హీరోగా ఈ సినిమాని తెరకెక్కించాలనుకున్నారు. అనూహ్యంగా అది చిరంజీవి చేతికి వచ్చింది.
పేరుకే రీమేక్.. ‘వేదాలం’ సినిమాకి చాలా మార్పులు చేశారట.. అలా ‘భోళా శంకర్’ దాదాపు కొత్త కథ లాంటిదేనని అంటున్నారు. ‘వాల్తేరు వీరయ్య’ తర్వాత ఈ సినిమాకి మరిన్ని మార్పులు జరిగినట్లు, జరుగుతున్నట్లు తెలుస్తోంది.
చిరంజీవి సోదరి పాత్రలో కీర్తి సురేష్ నటిస్తుండగా, చిరంజీవికి జోడీగా తమన్నా నటిస్తోందీ సినిమాలో.!