ప్రభాస్ అభిమానులు ఎప్పుడెప్పుడు తమ హీరోను చూస్తామా? అని ఎదురుచూస్తుంటారు. ప్రభాస్ అప్డేట్స్, ఫోటోలు, వార్తలు ఎక్కడ కనిపించినా అవి సోషల్ మీడియాను ఊపేస్తుంటాయి. తాజాగా ప్రభాస్ ఫోటోను షేర్ చేసిన ఛార్మీ ఇంటర్నెట్‌ను షేక్ చేస్తోంది. ఛార్మీ చేసిన ఫోటోలో తన తొమ్మిది నెలల బేబీ బాయ్ (పెంపుడు కుక్క) కూడా ఉంది. ఆ పెట్‌ను, దాని వెనుకున్న ప్రభాస్‌ను చూసిన ఫ్యాన్స్ అదిరిపోయే కామెంట్లు చేస్తున్నారు.
ఆ ఫోటోల ఛార్మీ పెంపుడు కుక్క సింహంలా కనిపిస్తోంది. అది సింహమా? లేక కుక్కనా? అంత పెద్దగా ఉంది? తొమ్మిది నెలలకే అంత ఉందేంటి? అంటూ రకరకాలు కామెంట్లు చేస్తున్నారు. అయితే ఇందులో డార్లింగ్ ఫ్యాన్స్ మాత్రం వేరే లెవెల్ కామెంట్లు చేస్తున్నారు. అది (పెంపుడు కుక్క) సింహమో కాదు తెలియదు గానీ దాని వెనుకున్నది మాత్రం నిజమైన సింహం అంటూ ప్రభాస్ లుక్కును పొగిడేస్తున్నారు.
ప్రభాస్‌ను ఇలా చూపించినందుకు చార్మీకి అందరూ థ్యాంక్స్ చెబుతున్నారు. ముంబైలో ఉన్న ప్రభాస్ అలా పూరి కనెక్ట్స్ ఆఫీస్‌కు వెళ్లాడు. ఆ సమయంలో ఈ ఫోటో తీసిన ఛార్మీ ఇలా ప్రభాస్‌ను అభిమానులకు చూపించింది. త్వరలోనే ప్రభాస్ హైద్రాబాద్‌కు తిరిగి రానున్నాడు. పూరి జగన్నాథ్ త్వరలోనే ఫైటర్ చిత్రం మూవీ ప్రారంభం కానుందని సమాచారం.