డైనమిక్ డైరెక్టర్ పూరీ జగన్నాథ్ దర్శకత్వంలో రౌడీ హీరో విజయ్ దేవరకొండ నటించిన తాజా చిత్రం లైగర్. ఆగస్టు 25వ తేదీన పాన్ ఇండియా లెవెల్ లో ఈ సినిమా విడుదల కానుంది. ఈ క్రమంలో సినిమా యూనిట్ ప్రమోషన్ పనులు భారీగా నిర్వహిస్తోంది. సినిమా ప్రమోషన్స్ కోసం ఇంటర్వ్యూలలో పాల్గొనటమే కాకుండా అనేక ప్రాంతాలలో పర్యటిస్తూ సినిమాని ప్రమోట్ చేస్తోంది. బాక్సింగ్ నేపథ్యంలో విజయ్ దేవరకొండ హీరోగా నటిస్తున్న ఈ సినిమాలో బాలీవుడ్ బ్యూటీ అనన్య పాండే హీరోయిన్ గా నటిస్తోంది. ఈ సినిమాలో లెజెండరీ బాక్సర్ మైక్ టైసన్ కీలక పాత్రలో నటించగా.. మరొక సీనియర్ నటి రమ్యకృష్ణ కూడా విజయ్ దేవరకొండ కి తల్లి పాత్రలో నటించింది.
సినిమా ప్రమోషన్స్ లో భాగంగా ఇటీవల టాలీవుడ్ టాలెంటెడ్ డైరెక్టర్ సుకుమార్ పూరి జగన్నాథ్ ని ఇంటర్వ్యూ చేశాడు. ఈ ఇంటర్వ్యూలో పూరి జగన్నాథ్ లైగర్ సినిమా గురించి ఎన్నో ఆసక్తికర విషయాలను వెల్లడించాడు. ఈ క్రమంలో లైగర్ సినిమా ప్రారంభించడానికి ముఖ్య కారణం ఏమిటి అని సుకుమార్ ప్రశ్నించగా.. పూరి జగన్నాథ్ స్పందిస్తూ లైగర్ సినిమా ప్రారంభం కావటానికి ముఖ్య కారణం బన్నీ అంటూ చెప్పుకొచ్చాడు. గతంలో ఇద్దరమ్మాయిలు సినిమా షూటింగ్ సమయంలో బన్నీ ఒక హాలీవుడ్ డైరెక్టర్ గురించి మాట్లాడుతూ.. ఆ డైరెక్టర్ చేసిన ప్రతి సినిమా లో హీరోకి ఏదో ఒక లోపం పెడుతుంటాడు. మీరు కూడా అలా ట్రై చేయచ్చు కదా అని బన్నీ అడిగాడట. అప్పుడు పూరీ ఆలోచించి గుడ్డోడు, చెవిటోడు అన్నీ వచ్చాయి. నత్తి ఎలా ఉంటుందని అడగగానే నత్తి బాగుంటుందని బన్నీ అనడంతో అప్పుడు ఫిక్స్ అయ్యాను నత్తి తో ఒక సినిమా చేయాలని అని పూరీ వివరించాడు.
అప్పుడు పుట్టిన ఆలోచనకి మార్షల్స్ ఆర్ట్స్ కలిపి ఈ సినిమా రూపొందించామని పూరి వెల్లడించాడు. ఇక ఈ ఇంటర్వ్యూలో పూరి సుకుమార్ ఇద్దరూ అనేక విషయాల గురించి చర్చించుకున్నారు. ఇదిలా ఉండగా ఆగస్టు 25వ తేదీన పాన్ ఇండియా లెవెల్ లో విడుదల కాబోతున్న ఈ సినిమా గురించి ప్రేక్షకులు ఎంతో ఆసక్తిగా ఎదురుచూస్తున్నారు. ఇప్పటికే ఈ సినిమా నుండి విడుదలైన ట్రైలర్ టీజర్ పాటలు ప్రేక్షకులను బాగా ఆకట్టుకున్నాయి. దీంతో ప్రేక్షకులలో ఈ సినిమా మీద అంచనాలు భారీగా పెరిగాయి. వరుసగా ప్లాప్ లు అందుకునా విజయ్ ఈ సినిమాతో అయిన హిట్ కొడతాడో? లేదో ? చూడాలి మరి.