`బ్లాక్ పాంథర్` స్టార్ చాడ్విక్ బోస్మాన్ (43) క్యాన్సర్ తో లాస్ ఏంజెల్స్ లోని ఆయన స్వగృహంలో కన్నుమూశారు. మార్వెల్ సినిమాటిక్ యూనివర్శ్ లో అవెంజర్స్ ఎండ్ గేమ్ .. కెప్టెన్ అమెరికా సివిల్ వార్ వంటి సంచలన విజయం సాధించిన చిత్రాల్లో చాడ్విక్ నటించాడు.
చాడ్విక్ బోస్మాన్ 2016 లో స్టేజ్ త్రీ కోలన్ క్యాన్సర్ తో బాధపడుతున్నారని.. నాలుగేళ్ల సుదీర్ఘ పోరాటం తరువాత మరణించారని ఆయన కుటుంబ సభ్యులు తెలిపారు. చాడ్విక్ బోస్మాన్ దక్షిణ కెరొలినలోని అండర్సన్ స్వస్థలం 2003 లో బుల్లితెరపై ఆరంగేట్రం చేసి అటుపై వెండితెర కథానాయకుడిగా ఎదిగారు.
ది కిల్ హోల్, 42, డ్రాఫ్ట్ డే, గాడ్స్ ఆఫ్ ఈజిప్ట్, మెసేజ్ వంటి భారీ చిత్రాలలో చాడ్విక్ నటించాడు. బ్లాక్ పాంథర్ 3డి.. కెప్టెన్ అమెరికాః సివిల్ వార్ చిత్రాలతో అతడి పేరు విశ్వ విఖ్యాతం అయ్యింది.