శ్రీరామ్ వేణు దర్శకత్వంలో పవర్ స్టార్ పవన్ కళ్యాణ్ హీరోగా నటిస్తున్న లేటెస్ట్ సినిమా “వకీల్ సాబ్”. బాలీవుడ్ సూపర్ హిట్ పింక్ కు రీమేక్ గా ఈ సినిమాని ప్రముఖ నిర్మాత దిల్ రాజు శ్రీ వెంకటేశ్వర క్రియోషన్స్ బ్యానర్ పై నిర్మిస్తున్నాడు. లాక్ డౌన్ వల్ల నిలిచిపోయిన ఈ సినిమా ఎప్పుడో విడుదల కావాల్సి ఉండగా అలా అలా పోస్ట్ పోన్ అవుతూ వచ్చింది. దాదాపు షూట్ పూర్తి కావచ్చింది. ఈ క్రమంలో వకీల్ సాబ్ కి సంబంధించిన ప్రమోషన్స్ కి దిల్ రాజు భారీ స్థాయిలో సన్నాహాలు చేస్తున్నారట.
ఒకటి రెండు కాకుండా సినిమాని ప్రేక్షకుల ముందుకు తీసుకు వచ్చేలోపు ఫ్యాన్స్ కోసం వరస అప్‌డేట్స్ ఇవ్వాలని చూస్తున్నారట. ఈ క్రమంలోనే పవన్ కి సంబంధించి డిఫ్రెంట్ పోస్టర్స్, లిరికల్ సాంగ్స్, టీజర్ ని ప్లాన్ చేస్తున్నారట. దాదాపు 5-6 నెలలుగా ఫ్యాన్స్ అందరూ ఎంతో ఆతృతగా ఎదురుచూస్తుంది కూడా ఈ టీజర్ కోసమే. కాగా ఈ టీజర్ కు సంబంధించి లేటెస్ట్ న్యూస్ సోషల్ మీడియాలో వైరల్ అవుతోంది. మేకర్స్ వకీల్ సాబ్ టీజర్ హిందీ, తమిళం కంటే కూడా భారీగా ప్లాన్ చేస్తున్నారట. ఇప్పటికే సినిమాలోని కొన్ని కీలక షాట్స్ తో కట్ చేసినట్టు సమాచారం.
ఈ టీజర్ కి థమన్ అద్భుతమైన బ్యాక్గ్రౌండ్ స్కోర్ ఇస్తున్నాడని ఈ టీజర్ తో సినిమా మీద భారీగా అంచనాలు పెరుగుతాయని తెలుస్తుంది. అయితే ఈ టీజర్ ను ఎప్పుడు విడుదల చేస్తారన్నది సస్పెన్స్ గా ఉంది. అయితే విజయదశమి సందర్భంగా వకీల్ సాబ్ టీజర్ ని రిలీజ్ చేస్తారన్న టాక్ వినిపిస్తుంది. ఇక ఈ సినిమాని సంక్రాంతికి రిలీజ్ చేయాలని దిల్ రాజు సన్నాహాలు చేస్తున్నారట. అలాగే పవర్ స్టార్ కమిటయిన సినిమాలన్ని వరసగా సెట్స్ మీదకి తీసుకు వచ్చేందుకు సన్నాహాలు జరుగుతున్నాయంటున్నారు.