వ‌ర‌ల్డ్ బిగ్గెస్ట్ రియాలిటీ షో బిగ్ బాస్ సీజ‌న్ 4 కార్య‌క్ర‌మం తెలుగులో నాలుగో సీజ‌న్ జ‌రుపుకుంటుంది. మ‌రో నెల రోజుల‌లో ఈ షోకు ముగింపు కార్డ్ ప‌డ‌నుండ‌డంతో విజేత ఎవ‌ర‌నే దానిపై విస్తృత‌మైన చ‌ర్చ‌లు న‌డుస్తున్నాయి. అభిజీత్ అని కొంద‌రు అఖిల్ అని మ‌రికొంద‌రు ఊహాగానాలు చేస్తున్నారు. పోల్స్ కూడా మొద‌లు పెట్టారు. ఈ సారి విజేత కూడా పురుషులలోనే ఒక‌రు అవుతార‌నే టాక్ వినిపిస్తుండ‌గా, అమ్మాయిల క‌లలు అడియాశ‌లు అవుతున్నాయి.
బిగ్ బాస్ సీజ‌న్ 4 కార్య‌క్ర‌మం 19 మంది స‌భ్యుల‌తో మొద‌లు కాగా, ఇప్ప‌డు హౌజ్‌లో ఎనిమిది మంది ఉన్నారు. ఈ రోజు మ‌రొక‌రు హౌజ్‌ని వీడ‌నున్నారు. బిగ్ బాస్ ద‌త్త పుత్రిక మోనాల్ ఈ వారం ఎలిమినేట్ కానుంద‌నే టాక్ వినిపిస్తుంది. అయితే టాప్ 5 లిస్ట్ ఇప్ప‌టికే లీక్ కాగా, విజేత ఎవ‌ర‌నేది ఇప్పటికీ సస్పెన్స్ . తాజాగా బిగ్ బాస్ 4 షోకు సంబంధించి ఓ ఆస‌క్తిక‌ర వార్త సోష‌ల్ మీడియాలో తెగ హ‌ల్ చేస్తుంది. డిసెంబ‌ర్ 20న సీజ‌న్ 4కు సంబంధించిన ఫినాలే జ‌ర‌ప‌నున్నార‌ని , దీని కోసం భారీ ఎత్తున ప్లాన్స్ వేస్తున్న‌ట్టు తెలుస్తుంది.
గ‌త ఏడాది మెగాస్టార్ చిరంజీవిని ముఖ్య అతిథిగా తీసుకువ‌చ్చిన నిర్వాహ‌కులు ఈ సారి కూడా బ‌డా స్టార్‌ని తీసుకొస్తార‌ని అంటున్నారు. ఇప్ప‌టికే ఫినాలేకు సంబంధించి భారీ ప్ర‌ణాళిక‌లు ర‌చిస్తున్న‌ట్టు తెలుస్తుంది. ఇదిలా ఉంటే ఈ వారం హౌజ్ మేట్స్ ఫ్యామిలీ ఇంట్లోకి అడుగుపెట్ట‌డంతో కంటెస్టెంట్స్‌కు బూస్ట‌ప్ ఇచ్చిన‌ట్టు అయింది. ఇదే ఉత్సాహంతో గేమ్‌ని మ‌రింత జోష్‌గా ఆడ‌నున్నారు. ఇప్ప‌టికే అంద‌రి ఫ్యామిలీ స‌భ్యులు హాజ‌రు కాగా, ఒక్క లాస్య మిగిలింది. ఆమె త‌ర‌పున భ‌ర్త, కొడుకు రానున్నారు.