పూరి జగన్నాథ్ డైరెక్షన్లో ఇండస్ట్రీ రికార్డుని తిరగ రాసిన మహేష్ బాబు సినిమా పోకిరి టైటిల్ తో మరో సినిమా రాబోతోంది. ఈ సినిమాను వరుణ్ రాజు స్వీయ నిర్మాణంలో, హీరోగా నటిస్తున్నారు. మమతా హీరోయిన్ గా నటిస్తున్న ఈ సినిమాను వికాస్ డైరెక్ట్ చేస్తున్నారు. తాజాగా వరుణ్ రాజు పుట్టిన రోజు సందర్భంగా, ఈ సినిమా లో నుంచి మొదటి పాటని విడుదల చేసారు.
ఈ సందర్భంగా డైరెక్టర్ వికాస్ మాట్లాడుతూ, “మేము స్టోరీ లైన్ రాసుకున్నప్పటి నుంచి పోకిరి అనే టైటిల్ అనుకున్నాం. వేరే టైటిల్స్ పెడదాం అనుకున్నా పోకిరినే సెట్ అవుతుందని అనుకున్నాం. కథ రాసుకున్నప్పటి నుంచి ఈ సినిమా మీద చాలా కేర్ తీసుకున్నాం. ఈ సినిమా బాగా హిట్ అవుతుందని నమ్ముతున్నాం” అన్నారు. మ్యూజిక్ డైరెక్టర్ ఉదయ్ కిరణ్ మాట్లాడుతూ, “ఈ సినిమా కి పని చేయడం చాలా సంతోషంగా ఉంది.
నేను మాట్లాడటం కన్నా నా మ్యూజిక్ మాట్లాడితే బాగుంటుంది అని ఆశిస్తున్నాను. మా సినిమా హిట్ అవుతుందని ఆశిస్తున్నాను” అన్నారు. హీరో మరియు నిర్మాత వరుణ్ రాజు మాట్లాడుతూ, “ఈ సినిమా తో గట్టిగా హిట్ కొడతాం. ఈ సినిమా హిట్ అవుతుందని మాకు కాన్ఫిడెన్స్ ఉంది. నేను పవన్ కళ్యాణ్ గారి అభిమానిని. నేను చిరంజీవి గారికి మహేష్ బాబు గారికి కూడా అంతే అభిమానిని. ఈ సినిమా టైటిల్ లో నే దమ్ముంది.
పోకిరి కి ఓనర్ మహేష్ బాబు గారే మేమంతా అభిమానులం అని చెప్పాడు.ఈ కార్యక్రమంలో హీరోయిన్ మమత మాట్లాడుతూ ఇది నా ఫస్ట్ ఎక్స్‌పీరియెన్స్. డైరెక్టర్ వికాస్, హీరో వరుణ్‌కు థ్యాంక్స్. ఈ సినిమా గురించి చెప్పాలంటే యూనిటీ గుర్తొస్తుంది. ఇదొక మంచి సినిమా. అందరూ ఈ సినిమాని ఆదరించాలని కోరుకుంటున్నానని చెప్పింది. రాజా మూవీస్ బ్యానర్ లో ఈ సినిమాని ప్రమోద్ రాజు సమర్పిస్తున్నారు.