దసరా మూవీతో టాలీవుడ్ లోకి అడుగుపెట్టిన మలయాళీ యాక్టర్ షైన్ టామ్ చాకో గురించి ప్రత్యేకంగా పరిచయం చేయాల్సిన అవసరం లేదు. భాష రాకపోయిన మొదటి తెలుగు చిత్రంలోనే తన అద్భుతమైన పెర్ఫార్మెన్స్ తో విమర్శకుల ప్రశంసలు సొంతం చేసుకున్నారు. మలయాళంలో టాప్ యాక్టర్ గా ఉన్న షైన్ టామ్ చాకోలోని విలక్షణ నటుడిని చూసి శ్రీకాంత్ ఒదేల దసరా మూవీలో మెయిన్ విలన్ గా తీసుకున్నారు.
ఇక ఈ చిత్రం సక్సెస్ కావడంతో ఇప్పుడు టాలీవుడ్ లో కూడా షైన్ టామ్ చాకోకి డిమాండ్ పెరుగుతోంది. ఆయన నటించిన రెండో సినిమా రంగబలి జులైలో ప్రేక్షకుల ముందుకి రాబోతోంది. ఈ చిత్రంలో కూడా అతను విలన్ గా నటించాడు. దుర్మార్ఖుడైన లోకల్ పొలిటికల్ లీడర్ గా ఈ చిత్రంలో కనిపిస్తున్నాడు. నాగశౌర్య హీరోగా ఈ మూవీ తెరకెక్కడం విశేషం.
మరో వైపు యంగ్ టైగర్ ఎన్టీఆర్ పాన్ ఇండియా మూవీ దేవరలో కూడా పవర్ ఫుల్ ప్రతినాయకుడిగా అవకాశం సొంతం చేసుకున్నాడు. సైఫ్ ఆలీఖాన్ తో సమానమైన పాత్రలోనే షైన్ టామ్ చాకో కనిపించబోతున్నట్లు తెలుస్తోంది. ఇక ఈ టాలెంటెడ్ యాక్టర్ కి సంబందించిన పాత వీడియోలు ఇప్పుడు సోషల్ మీడియాలో వైరల్ అవుతున్నాయి.
అతను చేసిన షార్ట్స్, ఫన్నీ వీడియోలు తెగ ట్రెండ్ అవుతున్నాయి. ఎలాంటి మొహమాటం లేకుండా ఎక్కడైన తనకి నచ్చినట్లు బిహేవ్ చేస్తూ అల్లరి చేస్తూ షైన్ టామ్ చాకో చేసిన సందడి అంతా నెటిజన్లుని ఎట్రాక్ట్ చేస్తోంది. కరెక్ట్ గా ఉపయోగించుకుంటే తనలోని కామెడీ యాంగిల్ ని కూడా దర్శకులు వినియోగించుకోవచ్చని ఈ వీడియోలు చూస్తూ ఉంటే అర్ధమవుతోంది.
అసిస్టెంట్ డైరెక్టర్ గా కెరియర్ స్టార్ట్ చేసిన షైన్ టామ్ చాకో విలక్షణ నటుడిగా మలయాళంలో పేరు తెచ్చుకున్నాడు. ఒకప్పుడు మలయాళీకి చెందిన కళాభవన్ మణి తన డిఫరెంట్ యాక్టింగ్ తో విపరీతమైన పాపులారిటీ సొంతం చేసుకున్నారు. ఇప్పుడు అలాగే షైన్ టామ్ చాకో కూడా టాలీవుడ్ లో సొంతం చేసుకునే ఛాన్స్ ఉందనే మాట వినిపిస్తోంది.