Anil Ravipudi: డైరెక్టర్ అనిల్ రావిపూడి దర్శకత్వంలో వెంకటేష్ హీరోగా నటించిన తాజా చిత్రం సంక్రాంతికి వస్తున్నాం. ఈ సినిమా జనవరి 14వ తేదీ ప్రేక్షకుల ముందుకు రాబోతున్న నేపథ్యంలో ప్రమోషన్ కార్యక్రమాలను వేగవంతం చేశారు. ఇక ఈ సినిమా విడుదల తేదీ దగ్గర పడుతున్న నేపథ్యంలో చిత్ర బృందం ప్రమోషన్లలో బిజీబిజీగా ఉన్నారు ఈ క్రమంలోనే ఒక ఇంటర్వ్యూలో పాల్గొన్న డైరెక్టర్ అనిల్ రావిపూడి వెంకటేష్ గారితో సినిమాలు చేయడం గురించి మాట్లాడారు .
ఇదివరకే వీరిద్దరి కాంబినేషన్లో ఎఫ్2 ఎఫ్3 సినిమాలు ప్రేక్షకుల ముందుకు వచ్చి మంచి సక్సెస్ అందుకున్నాయి. తాజాగా సంక్రాంతికి వస్తున్నాం సినిమా గురించి అనిల్ రావిపూడి మాట్లాడుతూ మా సినిమాలోని కంటెంట్ సంక్రాంతికి పక్కాగా సరిపోతుంది. అందుకే సంక్రాంతికి వస్తున్నాం అనే టైటిల్ తోనే సంక్రాంతి పండుగ రోజు విడుదల చేస్తున్నామని తెలిపారు.
వెంకటేష్ గారితో నాకు చాలా మంచి అనుబంధం ఉంది. ఇంకా ఆయనతో నేను సుమారు 10 లేదా 12 సినిమాలు వరకు చేసే అవకాశాలు ఉన్నాయి అంటూ అనిల్ రావిపూడి తెలిపారు. ఇక ఈ సినిమా తప్పకుండా మంచి సక్సెస్ అవుతుందని అనిల్ రావిపూడి ఆశాభావం వ్యక్తం చేశారు. ఎందుకంటే ఇద్దరి హీరోయిన్ల మధ్య వెంకటేష్ ఎప్పుడైతే ఇబ్బంది పడతారో ఆ సినిమాలన్నీ కూడా మంచి సక్సెస్ అయ్యాయని ఇప్పుడు కూడా ఈ సినిమా మంచి హిట్ అవుతుందని తెలిపారు.
ఈ సినిమాలో కూడా వెంకటేష్ భార్య పాత్రలో ఐశ్వర్య రాజేష్ నటించిన మీనాక్షి చౌదరి కూడా ఈ సినిమాలో నటించారు. ఇక ఇప్పటికే ఈ సినిమా నుంచి విడుదలైన పాటలు ఇతర అప్డేట్స్ సినిమాపై భారీ స్థాయిలో అంచనాలను పెంచేసాయి. మరి సంక్రాంతి బరిలో దిగిన వెంకీ మామ ఈ సినిమాతో హిట్ కొడతారా లేదా అనేది తెలియాల్సి ఉంది.