యాంకర్ వర్షిణి హైపర్ ఆది కాంబినేషన్ అంటే ప్రేక్షకులకు పండుగే. వరుసగా పంచ్‌లు పడుతూనే ఉంటాయి. ఒకరిపై ఒకరు దారుణమైన సెటైర్లు వేసుకుంటారు. ఆ కెమిస్ట్రీనే జనాలకు బాగా నచ్చింది. ఒకానొక సమయంలో ఈ ఇద్దరికి పెళ్లి కూడా చేసేశారు. ఆది వర్షిణి ప్రేమలో ఉన్నారు.. పెళ్లి చేసుకోబోతోన్నారంటూ యూట్యూబ్‌లో లెక్కలేనన్ని వార్తలు వైరల్ అయ్యాయి. అయితే వీటిపై ఆది, వర్షిణి స్పందిస్తూ అవి కేవలం రూమర్లేనని కొట్టిపారేశారు.
తామిద్దరం మంచి స్నేహితులమేనని తాజాగా ఓ ఇంటర్వ్యూలోనూ క్లారిటీ ఇచ్చారు. పైగా వర్షిణి ఎంత అమాయకురాలో సెట్‌లో ఎలా ఉంటుందో.. తమ పరిచయం ఎలా జరిగింది.. మొదట జరిగిన గొడవ ఏంటి ఇలా ఎన్నో విషయాల గురించి హైపర్ ఆది క్లారిటీ ఇచ్చాడు. ఆది వర్షిణి ప్రస్తుతం ఢీ షోలో చేసే హంగామా అంతా ఇంతా కాదు. జబర్దస్త్ వేదికపై అందిర మీద పంచ్‌లు వేసే ఆదికి మాత్రం ఢీలో రివర్స్ జరుగుతుంది. వర్షిణి ఆదిని ఓ రేంజ్‌లో ఆడుకుంటుంది.
తాజాగా రిలీజ్ చేసిన ప్రోమోలో వర్షిణి ఆది పరువును తీసేసింది. ఎంట్రీలో ఓ అదిరిపోయే సాంగ్‌ను వేసుకున్నారు. చెరో వైపు నుంచి ఎంట్రీ ఇవ్వడంతో ఇలా చేస్తే ఎప్పుడు పడుతుంది అని ఆది తన బాధను యాంకర్ ప్రదీప్‌తో చెప్పుకొచ్చాడు. పడుతుంది.. కచ్చితంగా నీకే పడుతుందని నమ్మకంగా చెప్పాడు ప్రదీప్. నాకే పడుతుందా అని మళ్లీ ఆది అడగడంతో నీకు పడుతుంది.. మొదటగా మొహం నుంచి పడుతుంది.. ఆ తరువాత ముక్కులోంచి పడుతుందని కౌంటర్ వేశాడు. ఆ తరువాత హైపర్ ఆది మాట్లాడుతూ.. నువ్ నాకింద తగ్గి ఉండాలి.. వచ్చాక హగ్గు ఉండాలి అని వర్షిణిపై కౌంటర్ వేశాడు. ఆ కౌంటర్‌కు రివర్స్ పంచ్ వేస్తూ.. మనిషన్నాక కాస్త సిగ్గుండాలని ఆది పరువు తీసేసింది.
