యాంకర్ వర్షిణి, రవి తెరపై ఎంత క్లోజ్‌గా ఉంటారో.. తెర వెనుకా అంతకంటే ఎక్కువ సన్నిహితంగా ఉంటారు. ఈ ఇద్దరూ సోషల్ మీడియాలో చేసే రచ్చ అంతా ఇంతా కాదు. ఇప్పుడు సరికొత్తగా ఓ షో రాబోతోన్నట్టుంది. దీంట్లో బుల్లితెర జంటలను తీసుకొచ్చి ఆటలు ఆడించబోతోన్నట్టు కనిపిస్తోంది. అలాంటి ఈ షోకు యాంకర్ రవి, వర్షిణిలు హోస్ట్‌లు ఉన్నట్టు కనిపిస్తోంది. ఈ షో షూటింగ్ కోసమే నిన్న ఆ వాట్సప్ చాట్ బయటకు వచ్చిందని తెలుస్తోంది.
హై హీల్స్ వేసుకోకు ప్లీజ్ అంటే రవి బతిమాలడం, అలా మెసెజ్ చేయడంతో దాన్ని వర్షిణి ఇన్ స్టాలో పోస్ట్ పొట్టి వాళ్ల కష్టాలు అని చెప్పుకురావడం.. దానిపై రవి వెరైటీగా స్పందించడం అందరికీ తెలిసిందే. నీ యంకమ్మ నిజంగానే పెట్టావా? ఎంట్రీ సాంగ్ ఉంది కాబట్టి హై హీల్స్ వేసుకోకు అని చెబితే నీకు అలా అర్థమైందా? అంటూ వర్షిణికి రవి కౌంటర్ వేశాడు. అయితే నిన్న ఉదయం 8 గంటలకు మొదలైన షూటింగ్ నేడు తెల్లవారు ఝాము వరకు నడించిందట.
మధ్యలో యాంకర్ వర్షిణి నిద్రపోతోన్న వీడియోను రవి తీశాడు. అలా వీడియో తీస్తుండగా.. వర్షిణి మేల్కొంది. షూటింగ్ చేయమంటే నిద్రపోతోంది చూడండి అంటూ వర్షిణి పరువుతీశాడు రవి. ఉదయం నుంచి ఇప్పటి వరకు కంటిన్యూగా షూటింగ్ చేస్తుంటే ఈ సమయంలో నిద్ర రాదా? నీకంటే పెళ్లి అయింది కాబట్టి నిద్ర రాదు.. నేను సింగిల్‌ని నిద్రపోక ఏం చేస్తాను.. అని వర్షిణి చెప్పుకొచ్చింది. పెళ్లైతే నిద్రపోమని ఎవరు చెప్పారే అంటూ వర్షిణిని రవి నిలదీశాడు. నువ్వే చెప్పావ్ రాత్రి నిద్రపోను అని అంటూ రవి గుట్టు విప్పింది వర్షిణి. ప్రస్తుతం ఈ ఇద్దరూ మాట్లాడుకున్న మాటలు బాగానే వైరల్ అవుతోన్నాయి.