Pushpa 2: ఐకాన్ స్టార్ అల్లు అర్జున్ నటించిన ‘పుష్ప 2: ది రూల్’ (Pushpa 2) డిసెంబర్ 5న విడుదలకు సిద్ధమవుతోంది. ఈ సినిమా ఇప్పటికే దేశవ్యాప్తంగా భారీ చర్చకు దారితీసింది. తాజాగా అందుతున్న సమాచారం ప్రకారం, ఈ చిత్రానికి 3 గంటల 21 నిమిషాల రన్‌టైమ్ ఉండనున్నట్లు తెలుస్తోంది. ఇది ప్రేక్షకులపై మరింత ఆసక్తి రేపుతోంది.
సినిమా రన్‌టైమ్‌తో పాటు 15 నిమిషాల ఇంటర్వెల్, 10 నిమిషాల స్టార్టింగ్ యాడ్స్ తో మొత్తం 3 గంటల 45 నిమిషాలపాటు ప్రేక్షకులు థియేటర్లలో ఈ విజువల్ ట్రీట్‌ను ఆస్వాదించాల్సి ఉంటుంది. ఈ వివరాలు నిజమైతే, ‘పుష్ప 2’ (Pushpa 2) ఇప్పటివరకు వచ్చిన అతిపెద్ద తెలుగు చిత్రాల్లో ఒకటిగా నిలుస్తుంది. ఇది ఇటీవల విడుదలైన ‘ఆర్ఆర్ఆర్’, ‘అర్జున్ రెడ్డి’ వంటి హిట్ చిత్రాల రన్‌టైమ్‌ను దాటేసింది.
తెలుగు సినిమా చరిత్రలో ఇప్పటివరకు అత్యధిక రన్‌టైమ్ ఉన్న చిత్రం 1977లో విడుదలైన ఎన్టీఆర్ నటించిన ‘దాన వీర శూర కర్ణ’, ఇది 3 గంటల 46 నిమిషాలపాటు సాగింది. 46 ఏళ్ల తర్వాత అదే స్థాయిలో రన్‌టైమ్ కలిగిన చిత్రం ‘పుష్ప 2’ (Pushpa 2)గా నిలవబోతోందన్న వార్త అభిమానుల్లో భారీ హైప్‌ను పెంచుతోంది. ఇకపోతే 1963లో వచ్చిన ‘లవకుశ’ 3 గంటల 28 నిమిషాల రన్‌టైమ్‌తో రెండో స్థానంలో ఉంది. 1958లో విడుదలైన ‘సంపూర్ణ రామాయణం’ 3 గంటల 24 నిమిషాలపాటు ప్రేక్షకులను అలరించింది.
Pushpa 2: పుష్ప 2: స్పెషల్ షో టాక్ ఎలా ఉందంటే?
‘పుష్ప 2’ చిత్రాన్ని సుకుమార్ (Sukumar) అత్యంత భారీ స్థాయిలో తెరకెక్కించినట్లు సమాచారం. సినిమా మొదటి భాగం ప్రేక్షకుల హృదయాలను గెలుచుకోవడమే కాకుండా పాన్-ఇండియా స్థాయిలో అల్లు అర్జున్ (Allu Arjun) క్రేజ్‌ను మరింత పెంచింది. ఈ చిత్రానికి 3 గంటల 21 నిమిషాల రన్‌టైమ్ నిర్ణయించడం సుకుమార్ (Sukumar) కథలోని అన్ని అంశాలను సమర్థంగా తెరపై చూపించడానికి అని తెలుస్తోంది. ముఖ్యంగా మొదటి భాగంలో చూపించని మరింత మాస్, ఎమోషనల్ ఎలిమెంట్స్ ఈ చిత్రంలో ఉంటాయని టాక్.
ఇప్పటి వరకు విడుదలైన పాటలు, ట్రైలర్, ఐటెం సాంగ్‌కి ప్రేక్షకుల నుంచి పాజిటివ్ రెస్పాన్స్ వచ్చింది. డిసెంబర్ 5న విడుదలయ్యే ఈ చిత్రం అన్ని భాషల్లోనూ రికార్డు స్థాయి ఓపెనింగ్స్ సాధించడానికి సిద్ధంగా ఉంది. పుష్పరాజ్ పాత్రలో అల్లు అర్జున్ (Allu Arjun) మరోసారి తన మెజిక్కు చూపిస్తారని అభిమానులు విశ్వసిస్తున్నారు. మరి రన్‌టైమ్ తో ఈ సినిమా ఎలాంటి కిక్ ఇస్తుందో చూడాలి.
